سالفتي مع مكياجي لشعر ناعم

اشحالكم خواااتي ..؟

عساكم بخير وعافية

اليوم حبيت اقولكم سالفتي مع مكياجي ( بتشجيع من اللي سمعوا السالفة .. خاصة بنت خالتي )

من يومين سرت محل مكياجي اللي في كارفور ( الجيمي مول ) اللي في العين

سرت اخذ من عندهم الجحل الاسود والاخضر والازرق ( احب استخدم هالنوع بس )

المهم شريت هاييل ومعاهم ايلينر بالجلتر ( اخضر وازرق )

وقالت الفاتورة ميتين وشوي .. عطيتها خمسمية وقعدنا نشوف باقي الاغراض

لين تخلص حساب ..

وعطتني البيزات ونحن نشوف .. بس ما طلعنا خذنا بعد اغراض ..

وطلعت بوكي اني انا ادفع بس اختي قالت هاللي بتدفع ..

وفتحت عشان اطلع البيزات ( سبحان الله باقي البيزات كانت في مكان ثاني واللي عطتني في مكان ثاني .. سبحان الله )

وقلتلها ليش رجعتيلي 140…؟

جان تتلخبط واعتفس ويها … وبان الارتباك عليها ( يارب ماكون ظالمتنها ) بس هي حسستنها انها غلطانه .. انا في خاطري قلت يمكن مزودين الاسعار وانا ماعرف
بس هي باللي سوته حسستني انها غلطانه وفي شي في البيزات..

قالت صح لازم ارجعلج 100 … على طول عرفت .. وقلتلها ليش ماعطيتيني فاتورة قالت مانعطي .. هالشي ماعرفه اذا من الحين ولا من قبل ( فماروم اظلمها )

المهم نادت على ربيعتها ودخلن الاستور .. شويه وقالت ربيعتها انا ماخصني وطلعت

وقلت بعطيج الاغراض وشيكي عليها قالت لا مخزن عندي في الكمبيوتر وبعرف
وردتلي 100 وقالت سامحيني ..

ماعرف هل هاللي صار غلطة منها او حركة مقصودة …؟

الله اعلم … مافيني اظلم ..

ويمكن قالت بعطيهم هالمبلغ وماعندهم فاتورة ويمكن اتشوف وهي راده البيت
او ما بتشيك ( وهاللي يصير اغلب الوقت انه مانشوف كم ردولنا )

لانه ماكان في زحمة … بس انا واخوي واختي…

والمسألة تراها مب مسألة 100 درهم .. مثل مسألة انها خذت هالبيزات عيني عينك

حبيت اقولكم سالفتي … ماعرفت وين احطها ..

وان شاء الله ماكون ظالمتنها …

وياريت يا خواتي تشوفون وتشيكون قبل لا تطلعون .. لانه نفس الشي صار لكذا شخص في جمعية العين والسفير ..

المشاركة الأصلية كتبت بواسطة أم الدواهي

هلا حبيبتي

دام انها ارتبكت وعرفت اللي ناقص كم بالضبط هذا معناه انها قاصده

لأنها لو كانت مخربطه ماكانت بتعرف السعر بالضبط ولا كانت بترتبك اصلا

والمفروض تشيكين على البيزات اول ما ردت لج ياهم

تراها يوم ارتبكت خلتني اشك فيها .. حتى اختي لاحظت ارتباكها .. وقالت زين انا تشرينا بعد اغراض..

وصدقيني من عقب هالسالفة .. قلنا لازم نشيك عالبيزات جدامهم كم ردولنا .. عندهم او في مكان ثاني ..

وثانكس عالمشاركة الحلوة

المشاركة الأصلية كتبت بواسطة ميعاد الحب

مكياااجي نصااابين وااي منهم

من شهرين والله اشتريت رووجين ومحدد بسسسسس

وطلع لي ب 250 خيييييييييييييبه اتخيبكم شو اشتريت جيه

انا لو شارية من ماركة ثانية قوم كرستيان ديور ولا غيره مابيطلع علي هالمبلغ كله

وانا الغبية لا اطالعت الفاتورة ولا شي

بس من هااك اليوم حرمت ادخل مكيااجي لانهم لصوووص

ترا اسعارهم مستوية مثل اسعار الماركات الثانية بس اقل حبتين

ومكياجهم حلو … يعيبني الجحالهم وجلوساتهم ( مب دوم .. حسب الكولكشن )

لكن هالشي مايمنع التحذير من اللي صار ( اذا فعلا كانت قاصده تاخذ البيزات )

وان شاء الله ماكون ظلمتنها …

ثانكس عالمرور والمشاركة