شحالكن خواتيه ربكن الا بخير ؟
هذي مشكلت ربيعتي والصراحه انا مب قادرة احل مشكلتي عسب احل مشكله ربيعتي
وهاي مشكلتها
الصراحه ما حصلت حد اشكيله الا هني ييت اكتب مشكلتي واتمنى احصل لها حل
مشكلتي هيه انه من تقريبا سنه مرت اخويه لمحت لي انه اخوها يبونه يعرس واختاروني
له وهيه يات تسألني اذا موافقه وله لا الصراحه انا مادري ليش قلتلها انه انا موافقه
فقالت بتصل به ببشره وبالصدفه امايه كانت ماره صوبيه وانا ارمس فحست بالسالفه
تخبرتني وقلتلها المهم عقب اسبوعين جي يات مرت اخوي وقالت لي يا فلانه ترى اخوي
قال انه مايبا يعرس فالوقت الحالي يمكن لعقب سنتين بس خذيها وعد مني اول ما بيخطب
بيخطبج انتي والله بدون ما احس تعلقت به والله مااادري ليش حبيته مب الا حبيته عشقته
من رمسه مرت اخويه عنه والحين عقب سنه ونص تقريبا يايه تقولي يا فلانه ترى خطبه
اخوي الاسبوع الياي ؟؟ عفكرة طول هالسنه ونص تكلمني ع اساس انه خطيبي لين خلنتي
اتعلق به والله احاول انسى مب قادرة ومب عارفه كيف اخبر هلي انه خلاص بيخطب والله
شكلي بيكون غلط . انا فحياتي ما حبيت انسان مادري ليش هذا تعلقت به اخته صورته لي
انه ملاك وانسان كامل الحين كيف اقدر انسى لاني ماتخيلت انه بياخذ غيري كيف اخبر الوالده
انه خلاص مايباني ويبا غيري والله احس بظيجه بكتمه احس الدنيا اسودت بويهي ! شو المفروض
اسوي عسب اقدر اعيش حياتي ومرت اخويه عشمتني واخر شي غيرت كلامها
بصراحه انا ما ألومج لأن موقفج صعب بس لا تخلين هالشي يأثر عليج وان شاء الله نصيبج مع واحد أحسن عنه
وربي يعوضج خير يارب ولا تزعلين كلللللش
خلاص هوه ما تمسك فيج في البدايه فإنتتي ليش تعذبين عمرج بالتفكير …
ان شاء الله بييج نصيبج وبتقولين وبتحسين انه هاي السالفه كانت كلها على بعضها هبل …
وانا من راى لاتسألين مرت اخوج عنه لأن خلاص خطب….
والله يستر على يميع بنات المسلمين
وقووليلها خيرها بغيرها
وان شاء الله بتلقين الي بيسعدج اكثر من هالشخص ^^
خلي ثقتج بالله كبيرة .. وادعي الله يرزقج بالزوج الصالح اللي يسعدج و يعينج ع أمور دينكم ودنياكم
ولا تسألين مرت أخوج عن شي أبد .. الله يعوضج بأخير عنه
دعوااااااااتي لج بالتووووفيق
او انه هي خاطرها انج تاخذين اخوها بس اخوها اختار وحده ثانية يعني هي مالها ذنب
الحياة حلوة وتوكلي على الله