ساعدوووني جد فعيالي… لعشاق السياحة

1. ولدي عمره ثلاث سنوات مشكلته الاساسية انه يسب ويمد يده من الحينه ويضربني.. السب طبعا مب كلام فاحش لانه محد يقول جدامه غير انه يصير اتفاتن ويا البشاكير وانا اكبر كلمة اسب فيها حد اذا عصبت وخاصة البشاكير هي " عن الحركات" و نادر " خايسه" وولدي لقط الكلمتين ومستوي من قلنا له شيء قال انتي خايس حركات وحتى لو فتنت على اخته او البشكارة بعد مستن بيعاقبني دوم اما يقول لي انتي خايسه حركات او يمد يده يضربني.. اخاف يكبر ويتعلم على مد اليد.. صدق ضايقه ومب عارفه شو اسوي..
– حاولت أادبه باني ايلس وياه واشرح له اني احبه واسوي له حليب واعطيه شوكليت واوديه الالعاب وانومه ووو واني يعني احبه ومايستوي يمد يده ابدا.. وحاولت اعاقبه باني اوقفه عند اليدار دقايق ووحليله يوقف عادي بس يصيح وبعد يصرخ انتي خايسه حركات.. وحاولت بالضرب اذا مد يده امد يدي اباه يحس وبعد مانفع وغمضني مايفهم .. شو اسوي..

حبوبة اهم شي انك تمتنعي نهااااائيا عن هذا السلوك ولا تتلفظي بهذه الالفاظ امامه …. لانه في هالعمر بيكتسب عادات كثيرة من الاهل … فلو انتي تبين انه ما يسوي سلوك معين لا تسوين هذا السلوك امامه
والخطوة الثانية انه كل ما تلفظ بهذه الكلمات فهميه انه هذه كلمات بشعه وانك ما تحبين تسمعينها … وذلك بعبارة بسيطة فقط يعني لا تسوين محااااضرة هه لانه يمكن يحس انه هالشي وااايد يهمك فبصير يتعمد يقول هذه الالفاظ على شان يغيظك او يستفزك … يعني بطريقة عابرة قولي له هذه الكلمة انا ما حب اسمعها لانه الولاد الي مو شاطرين هم الي بيتلفظو بها …. واحتمال كبير انه احيانا يتلفظ ليجرب ردة فعلك فانتي لازم تتغافلي احيانا عن سلوكه على شان يحس انه هالشي ما بسبب عندك ردة فعل وبالتالي لا يحقق ابنك هدفه انه يلفت نظرك او ياخذ اهتمامك من خلال تلفظه بهذه الكلمات

…

2. بنتي عمرها سنتين وللحينه تنش الليل ومن تحس حتى قبل ما تفتح عينها تصرخ وتصيح كانها فالقماط.. وكم مره اقلها اربع مرات تنش بالليله.. حتى الصبح انش مصدعه منها.. شو اسوي وياها..

3. عيالي الاثنينه من ينشون على طول من اول دقيقه يصرخون مامااااااااااا ماماااا مامااااا ماماااااا ولا يوقفون ورا بعض لدرجه انهم بغصون يختنقون من السرعه ما ينادوني مره مرتين وينتظرون دقيقتين بس ابدا ورا بعض وحاولت كم مره افهمهم ازقروني وانتظروا شويه يمكن ماما فالحمام او فالصاله او تصلي بس اكيد بتيكم وتحبكم ابدا مصرين.. ساعدوني الله يجزيكم الخير تعبت..

حبوبة بخصوص بنوتك هي في هالعمر ما بتعرف معنى الانتظار ابدا ومهما فهمتيها واقنعتيها دماغها في هالعمر غير مهيئ لفهم معنى الانتظار …. لهذا السبب تناديك باستمرار

وبالنسبة للاطفال عادة في عمر الاربع سنوات او قبل شوي بيبدأوا يستوعبو مفهوم الانتظار …. وابنك يسوي هالشي لسببين لانه ما يقدر ينتظر ولانه بقلد اخته