ساعدوني …. ولدي والبلغم

السلام عليكم ورحمه الله وبركاته :

شخباركم امهات ….

المهم بغيتكم تساعدوني وتعطوني خلطه حق ولدي وعمره سنه ونص ….

الله يسلمكم ولدي من ثلاث ايام وهو يعاني من صدره فيه كحه وبلغم وبلاعيم وكلما يتنفس يطلع صوت من صدره وديته المستشفى ورقدوه وعطوه بخار واليوم رخصوه واحسه بعده ما خف وما اعرف شو اعطيه هذا اول ولد لي وما عندي خبره بها السوالف فبغيتكم تساعدوني اللي يعرف خلطه او اي شي ياريت اتخبرني ….

غناتي ماشي شي يخوف
اول شي ادهني صدرو بزيت السمسم
ثاني شي شربيه البابونج اواليانسون
يهدي الكحه
ثالث شي
والاهم اذا استفرغ البلغم يكون وايد احسن
ومن الصيدليه بخاخ للانف عسب يتنفس عدل
أدول مهدي ومسكن
وهذا الدوا استخدمتو حق بنتي وايد فادهاMucolyte للبلغم
واذا صار عليه حراره تحاميل ديكالوجيسك وايد أوكي

هووووووووووووووب

مشكورين خواااتي

مشكوره اختي هديل حمدان ع النصايح

نتريا بقيه البنات

الله يشفيه فيه خلطه يعرفنها الحرمات الكبار يفورن شوي لبان ويحطن فيه كركم وشوي حلبه وذرة ملح تعطينها لولدج والاحسن على الريج واذا رجع بعد أحسن بس الافظل الي عندهن خبره يسونها لانهن ما شاء الله بركه بس جربي ان شاء يفيده وعن تجربتي عندي ولد من هو صغير دومه مصطك وبلغم ما خليت شي أدويه مكينه حدث ولا حرج ودوم الدكتور ينبهني عن العطور والدخون سويت اظراب خمس سنين وكله الدكتور يقول يوم يكبر بتتحسن حالته والحمد لله على كل شي

انا ولدي نفس الشي بس اهم شي لا اتحطي على بالج وعطي ينسون وبابونج وان شاء الله راح يخف بسنا مليت من المستشفى