ساعدوني متخوفه من هذا الشي……. المطبخ اماراتي

السلام عليكم ورحمه الله وبركاته

بنات انا فيني حب شباب في ظهري بكميات كبيره وفي ويهي شوي المهم سرت لدكتوره جلديه وقالت لي

لي أنا بعطيج حبوب بتأكلينهم وبعدين ما راح يظهر لي حب شباب نهائيا>>>>> انا عاد استانست

بس المشكله انه الدكتوره قالت لي انه يسبب جفاف في الجسم وبيظهر كل الحبوب الي بجسمي مره وحده وبعد لازم اسوي تحليل دم كل ست اشهر لأن هاي الحبوب تتسبب برفع الكلسترول >>>>>وأنا
ألحين متخوفه من هذا الشي…..

هيه بعد سالتني إذا انا معرسه أو بعرس جريب >>>> بس ليش هذا السؤاااال ما أدري

وياااااااااريت الي خذت هاي الحبوب تخبرني أوكانت تعرف شي عنها

شو اسم الحبوب يالغلا ؟
لو اسم الحبوبRoaccutane لا تخافين اختي اتعالجت بهالحبوب وسالفة ليش سألتج معرسه والا لا؟ لان ما يصرفون هالحبوب للمرأه الحامل يسبب تشوهات للجنين وفي التوصيفه الي داخل قوطي الحبوب كاتبين كل شي بالتفصيل وعن الجفاف بيوصفولج كريمات مرطبه فعاله تقضي عالجفاف وعن فحص الكوليسترول اختي تدرس برع وكانت اتسوي الفحص مناك وتفكس التقرير للدكتوره وطبعا لازم اتخفين من المأكولات البحريه والمكسرات ….الخ..لا تخافين ولو خايفه استخيري . بس صدقيني نتايج مبهره والله ان اختي ماشي ولا حبه فويهها ما شاء الله ..ووحده من ربيعاتي كانت تعاني من حبوب ع الظهر استخدمت صابونة الغار وتقولي انها افتكت من المشكله ..

ما أدري بس هيه بعدها ما عطتني الدواء …..

بيكون في الموعد الثاني

انزين خذي الحبوب قبل

وخافي عقب

ههههههههههه دمج خفييييييف اتصدقي

هذي حبوب الريكيوتان
معروفة لعلاج حب الشباب ولازم تستمرين عليها عالاقل 6 شهور
وسبب انها سالتج عن العرس لانها تسبب تشوهات للجنين
بس انتي توكلي على الله وخذيهم هذي الحبوب معروفة واغلب الناس ياخذونها
وسلامات انشاء الله