شو الافكار الجديدة بطرحة العروس هالايام ..؟؟
وشو رايكم بالطرحة اللي تكون ماسكة باليد من عند الاكواع ؟؟ جديمة ..؟؟ ولا عادي لو سويتها
يعني امكن قصت الفستان تناسبها الطرحه القصيره و الا امكن الطويله
لا انا طرحتي طويلة اطول من ذيل الفستان بس انا كنت حابة اعرف شو الاحلى الخليجية
ولا اللي تيي من تحت التسريحة ولا اللي تيي من عند نص الراس وماسكة باليد
يعني طريقة تركيبها
وماسكه عند الكوع
وطويله نوعا ما
وفيها دانتيل مشير من جدام
بصراحه اللي جاف طرحتيه كلهم مدحوها << عاد ما اعرف مجامله ولا صدق
لو تلبسين تاج وااايد روعة وحطي الطرحة من نص التسريحة يعني الكوافيرة ترتبلج إياها
والطريقة الثانية داخل التسريحة هذي حركة وااااايد حلوة ويديدة وبنت عمي كان عرسها هالشهر وكانت مسوية تسريحة على فوووووق ولابسة تاج والطرحة مدخلينها في التسريحة من تحت وطالعة رهيبة بس مادري كيف والله..
وإذا تبغين شكلج يكون ملكي البسي تاج وحطي الطرحة على الراس نفس زوجة ملحم زين جان تذكرينها بنت الرئيس اليمني سابقاً بس لاتخلين شعرج مفتوووووووح..
أتمنى أكون أفدتج وموفقة يارب
أنا كنت لابسة تاج وطرحتي كانت من تحت التسريحة بس كانت طرحتي كلها شج وثجيلة فما اتثبتت عدل بس كانت حلوة ولما دخلت أتصور عقب العرس مع ريلي فديته غيرت الطرحة في وسط التصوير ورفعتها على راسي وكانت ملكية وااااااايد واتمنيت لوحطيتها جذي من البداية .gif "12 (15)")