ساعدوني ابا حل لمشكلتي المومة و الطفل

السلام عليكم خواتي الصراحه مشكلتي ويا ريلي والله ما اعرف كيف افكر الصراحه منصدمه منه المهم قبل يومين انكسر تيلفوني وريلي عطاني تيلفونه بس نسى يمسح الارقام والمسجات واليوم ولدي الصغير قاعد يلعب فالمبايل وعقب رن رديت طلعت وحده مغربيه المهم قالت توه حد متصل استغربت لان الرقم غريب فقلت لها اسمحيلي ولدي يلعب في التيلفون وعقب يوم جيكت الرقم طلع اللي مخزن فالتيلفون وعقب رديت اتصلت لها وقلتها انتي تعرفين رقم00000000 يعني رقم ريلي قالت بكل وقاحه هيه رقم سعود لا بهد اتدلعه استغربت قلت لها من وين اعرفينه قالت ويانا فالكلاب المهم هزبتها هزاب لعنت ام الي يابتها جان اتقولي انا ما اعرف ريلج ربيعه حبيبي وهو الي مرات يشل تيلفون ريلج ويتصل بي والله ما عرفت كيف ارد عليها على هاي الحقيره الي ما تستحي وقالت ريلج بس يمر ويسلم علينا وتحلف براس امها وبالقران ان ما عندهم علاقه وعقب قالت انا جفت صورتج واعرف عيالج انتي قبل 3 اشهر امربيه وسميتيه سيف قلت لها يوم ما عندج علاقه وياه كيف اتعرفين قصة حياتنا لا بعد ما اتعرفين اسمي وردت حلفت وطول الوقت انا منصدمه وما اعرف كيف ارد عليها وهي تحلف وتقنعني انه ربيع ريلي حبيبها ويوم واجهت ريلي قالي نفس الكلام وقلت له من وين جافت صورتي وصورة عيالي قال لي هي بغت اتشوف صورة عيالي وانا عندي صوره الي انتي وياهم وهوعادي عنده اونه ادا ما بتصدقين ابراحتج ومب مهتم ابغي رايكم قبل لا اسوي شي اندم عليه الله يخليكم انصحوني شواسوي بس بدون تعليق الله يخليكم

ريلج وين مخه يعني ؟؟

قوليله انت كيف تطرش صورتي لاي لوث تعرفهم وشو ضمنك انها ماتنشر الصور

بصراحه تصرف مراهقين بدون عقل

اختي لازم ماتسكتين وتبينين له ان الموضوع كبير بس لا تسوين مشاكل وتهدمين بيتج عشان هذيلا الي مايستحون

انتي حاولي تغيرين ريلج وهالفتره اهتمي بنفسج وانسيه وطنشيه خليه يحس

واقري قرءان يوميا واستغفري وصلي بالليل والله بيسهل امورج الغاليه

ترا الرياييل صابتهم حمى الخيانات كلهم عافانا الله الله يهدي الجميع يارب مالنا غير الصبر

الله يهدي ريلج حبوبه ويسخره لج

مدآم كلامهم طلع مطآبق .. يعني كلامه هوه وتبريره للموقف نفس كلآم المغربيه .. اظن انه صادق .. طوفييهآ هالمره .. اذا مب عشآنه عشآن عيالج .. يمكن تعلمه هالغلظه ..

والله يعيينج .. ادعييله ..

صآدقه ..!

خيتو صح قهر

بس المفروض قبل لاتتصرفين تشغلين المحقق كونان

عشان مافي مجال يمين يسار

ولاتحرقين اعصابج عليهم

><

شي يقهر بس انتي تصرفي بحكمه .. خلاص انسي الساااااالفه مووووووليه ولا تفتحينها .. احسلج .. لانه اذا زعلتيه صدقيني بيسيرلها تعرفين عاد هالجاليه شقا يسون عسب يلهن الريال ..

بس حسسيه انه غلطان بس هب صراخ .. الله يعينج ويصبرج ويهديه