سؤال عن كريات التمر بجوز الهند للمطلقة

هلا خواتي
بغيت انشدكم عن الخلطه اللي اتحطونه للتمر يوم نبا انسويه كرات وانغطيه بجوز الهند.

اتري ردكم

حبيبتي

أنا اول شي استخدم تمر الخلاص .. اشل منه النوى .. وبعدين اتم العب فيه بأييدي لما يصيير مثل العجين ..

بعدين أحط في على النار شوي زبدة واحط فوقه التمر واحركه لمدة بسيطة ..

فيه طريقتيين :

أما احشيها بالفستق أو اللوز أو عين الجمل وازينها بجوز الهند المبشور …

أو أكورها ,ازينها باللوز وجوز الهند والفستق الناعم .. يعني اسوي ثلاث اصناف ..

واحط فوقها اعواد الخشب الصغييرة ..

وأي سؤال أنا حاظرة (^_^)

تسلمين وما اتقصرين.

تسلم الايادى

مثل ما قالتلج اختي عروس الجنة
بس انا عندي طريقة ثانية
تاخذين التمر وطلعين منه النوى وتضفين له شوية ماء ورد وشويه من دهنت المعز اذا عندج لان طعمها روعه وتظفين المكسرات وشويت من من بودرة القرفه وتخلطينها عدل وتكورينها وتزينها بجوز الهند
جربيها وخبريني انتظر ردج
وصحه وعافيه

ماقصرن البنات *__^