سؤال عن ربط البطن.. لحياة صحية

السلام عليكم

شحالكم ياحوامل وياامهات انشالله بالف خير….

سمعت انه المربية لازم تربط بطنها عقب الولادة باسبوع تقريبا بشيلة طويلة قطن
بس ابا اعرف كيف ينربط وهل لازم يكون قوي وايد وكم يوم يستمر..
وممكن نستخدم بداله المشد الاندونيسي اللي سامعين عنه؟

مشكورين خواتي الصراحة هذا اول حمل لي وما عندي خبرة وماعرف اسال منو..
الله يسهل على كل وحدة يااارب..

مرحبا الغالية أنا عن تجربتي بعد ما أطلع من الولادة وأروح الغرفة واتسبح على طول ألبسه والحمد الله ما طول الكرشة تخوز بسرعة

اللي عندي يربطون عقب الولادة بيوم اما بشيلة مال البيت ( كم شيلة ) او بمشد خاص .. و اميه من تربي تحط حصاة عبطنها ويرد البطن .. بس مب اي حصاة.. وشي منهم يحطون مطارة ماي دافي .. ولو عندج بشكارة اندونيسية اسأليها عن طريقة ربط الشيلة لان عندهم خبرة عن تجارب مع الاهل

بالنسبة لاختي تربط بطنها بسفرة حمراء!! وتقول اقوا عن الشيلة!

بس حبيبتى انا سالت مرة دكتور وقالى ان هذة الربطة ماتشد اللبطن وتمنعها ولاكن هذة الربطة هى اللى تمسك البطن بعد الولادة عشان ماتتهز من الكرش بيكون كبير ولاكن تمارين شد البطن هى افضل شئ بعد الولادة

مشكورين خواتي على ردودكم الطيبة

يبي 3 غتر .. وييبي كرتون قصيه على شكل مستطيل تقريبا 13 سم × 8 سم .. 3 حبات وعقب ما تستعملينهم بتعرفين القياس المناسب ..
حطي فكل غتره واحد ولفيه بيطلع لج شكل الغتره كانج مربعتنها والاطراف مثلثه .. هيه اطراف الغتره .. عقب كل سبوح حطي زبدة الكاكاو من بالمرز
وابدي لفي .. اول شي من تحت .. على الكرش وربطي .. وعقب من تحت الصدر والثالث بالنص .. وكل يوم بتلاحظين انج تلفين اكثر .. يعني الكرشه صغرت .. ولا تنسين التمارين ..
طبعا الربط طول الاربعين .. ومن تخلصين ابدي بالتمارين بالتدريج واستمري عليها
في تمرين هو للظهر بس انا اجوفه وايد حلو بعد للكرش
ترقدين على ظهرج وريلج تثنينها يعني الركب تكون فوق .. فهمتي ريولج بتكون على شكل 8 ..
تشدين منطقة الحوض .. جنج تمنعين نفسج من التبول .. وتشدين مؤخرتج وبطنج .
وتضغطين باخر ظهرج على الارض وترفعين المؤخره مع الشد .. ان شالله قدرت اوضح لج طريقة التمرين ..
انا كنت اسويه وحسيت انه نفع للكرش ..
والله يقومج بالسلامه يارب ..