سؤال حد يعرف يسوي مشروب الكاستر ؟ من مطبخ الامارات

السلام عليكم

كيف الحال بنات من فتره كنت رايحه بيت اهل ريلي وهناك يابوا دله فيها كستر وصبولي بكوب حلو طعمه عيبني بس ما سألتهم لأنهم مب من النوع اللي يعطونكم المقادير المضبوطه واذا سألتيهم يغيرون السالفه ..

فأحب أعرف في حد منكم يسويه ؟؟

واذا ممكن تفيدونا بالمقادير ؟

يمكن تكون نفس طريقة الكاستر العادى بس يكون خفيف او مع حليب طازج

الغاليه .. انا جربته وعيبني … وقالولي إنه اتسوين الكاستر عالعادي بس اتخففينه بالحليب … وتضيفيله مكسرات ….
بس وإنتي تطبخينه يلسي حوثيه عشان ما يتماسك …

نفس الشي

بس يمكن انتي شاربه عندهم حليب بالزعفران لانه يطلع نفس طعم الكستر

البنات ماجصرن معاج السموحة

في كستر تسوينه بالمكسرات وكستر تسوينه بالحبة الحمراء وفي الكستر العادي وهي نفس الطريقة بس شكل ماقالت الإخت إنج تخففينه بالحليب والطريقة إنج
1 . تخلين االحليب على الغاز لين مايحر
2. وتحطين الشكر فيه وتذوبينه وهوعلى النار
3.وتذوبين الكاستر في الحليب البارد وتصبينة على الحليب إلي على النار وتحركينة وماتتركينه عشان مايتكتل ولين ما يتماسك
4.تحطين فيه نصف كوب ماءورد وزعفران طبعا منقعة الزعفران في ماء الورد
5. وتحطين إلى تبين المكسرات أو الحبة الحمراء لين ما يستوي ويرجعلج وإنتي تتحكمين في الغلظ بالحليب وشكرا