زيت جدايل من عبد الصمد القرشي شيك

السلام عليكم بنات

من كم يوم ربيعتي خبرتني عن زيت جدايل الي ينباع عند عبدالصمد القرشي
خبرتني انه عندهم 4 انواع واحد للتطويل والثاني يمنع التساقط والثالث تغذية والرابع للقشرة

عاد انا بما اني مربيه جريب ووراي رضاعة و من ربيت وشعري يطيح رحت امس وخذت نوعين
خذت مال التطويل و تغذية ..

سألت راعي المحل قلت له شو نتايج الزيت هل مفعوله مضمون ولا..؟؟ عاد ماشي حد بيذم ف بياعته
وقال في ناس نفع وياهم و ناس لا .. انا خذته و قلت بجرب لآن تعودت على سوالف التجريب وماخليت زيت ما جربته من المدونة وبرع بس نفس النتيجه للحين

المهم الخلاصه اتمنى لو وحده مجربه هالزيت تعطينا نتايج مفعول هالزيت وهل فاد وياها ولا لا ؟؟؟؟

واسمحولي طولت عليكم .. اتريا ردودكم

والله صراحه وايد زين استمريت عليه فتره طول شعري
ترا عادي تخلطينهم مع بعض وايد بيفيدج

زيييييييييين الحمدلله لقيت رد .. يعني معقوله 107 مشاهده و رد 1

عالعموم مشكووره اختي على مرورج و انا فعلا مفكره اني اخلطهم الاثنين مع بعض

تسلمين فديتج

الغالية الاستمرار على نوع زيت معين بغض النظر عن شو هو الزيت يفيد الشعر من ناحية الطول والغلظ .. توكلي على الله واخلطيهم مثل ما قالت الأخت فوق بس عشان تظهر النتيجة لازم الاستخدام المستمر ..
قريت مرة من دكتور كويتي إن عشان تطلع النتيجة لازم كل يوم تدهنين الشعر وتدلكينه عشر دقايق قبل النوم .. والصبح تغسلين الشعر وهكذا لمدة شهر ..
موفقة

أنا بعد خاطري اجرب مال تطويل الشعر لانه شعري من قصيته ما قام يطول خاطري يرد شرات قبل  

موفقة

موفقــة الغــلا