انا عندي سؤال عن ريت القطران.. ابي اعرف شو هالزيت و من وين يحصلونه الاصلي اكيد…طبعا السالفه اني مره كنت اتكلم في الدوام ويا ربيعاتي و اشكيلهم عن شعر بنتي.. و الله انه خفييييف و فيه فراغات واااايد و انا مقهووره عليها لانها بدت تكبر و كل اللي في عمرها ما شاء الله يجنن شعرهم.. بنتي عمرها 3 سنوات و ما يطول و خفييييف.. فكنت اشكيلهم و جان تسمعني وحده في الدوام مغربيه.. ما شاء الله علي شعرها.. اصلا احنا في الدواام دووم نعلق على شعرها كيف انه شكله واااايد حلو و ما شاء الله يلمع لمع و صحي.. دووم اقوول انها مسويه كيراتين .. بس ما ادري .. و الله الطبيعي يبان غير عن الكيراتين.. المهم.. هي يوم سمعتني جان تقوللي: هاي مشكلتج بس حبيبتي.؟؟ عليج بزيت القطران.. قلتلها شو هذا.. قالتلي هذا انا ما استغنى عنه ابداأأ.. لا انا و لا بنتي.. قالتلي انا بنتي نفسج بالظبط.. قالتلي بالاسبوع حطيه على شعرها مره خلها تنام فيه و ثاني يوم اغسليه زز و قالتلي بتشووفين الفرق بسرعه..
هي تقول انها تجيبه من المغرب.. بس ما اعرف كيف احصله هني.. و ما اعرف اذا يسمونه زيت القطران و لا شي ثاني..
يا ريت اللي تعرفه تخبرنا وين نحصله و كيف و بكم تقريبا عسب ما ينظحك علينا…
و مشكوره الي ترفعلنا الموضووع 
وبعدين ليش ما قلتيلها ,, قوليلها اطلبيلي اياه وانا بدفعلج .. وخاصة هي من اهل المغرب يعني بتجيبلك شي اصلي نفس اللي تستخدمه
وانا الحين ابا هالزيييييييييييت
اذا حصلتي حد يبيعه خبريني
شوفي حد من التاجرات اللي عندنا فالمنتدى
و عاد التاجرات ما ادري و الله و السمووحه من كل التاجرات بس المشكله انه الله يسامحهن بعض التاجرات عندي تجربه سيئه وياهن.. ما اقول الكل .. بس بصراحه متردده
اني اتعامل ويا وحده
يلا .. البحث مستمر.. انا بحاول اسأل بعض ربيعاتي اللي يتعاملن ويا العطاريين و بخبركم ان شاء الله..
و عاد اللي عندها تجربه زينه ويا تاجره في المنتدى تخبرني على الخاص
موفقة ان شاء الله