حوامل المدونة العزيزات
هذي اول مرة انزل فيها موضوع في هالقسم
وهالكلام عن تجربة شخصية لي ولصديقاتي
الوحدة لما تسير المستشفى وقت الولادة يحطون لها تحميلة عشان تنظيف البطن – عشان ما يطلع منها شيء وقت الدفع والpush
في حريم يعرفن هالسوالف ويستعملن ادوية شعبية
لكن في حريم لا ما يعرفن هالشيء
فبخبركم عن تجربتي وان شاء الله تستفيدون منها
وهالكلام مب من عندي هالكلام سمعته من ربيعتي والدكتورة زينب اللي في دبي هي اللي خبرتها عن هالطريقة
فاذا كان فيج ويع فبيزيد واذا ما كان ويع الطلق فبيخف
بسم الله
نبدأ
حاولي تشترين زيت خروع من الصيدلية في بداية التاسع
1/ لما تكونين في العد التنازلي واتحسين ان بدا الطلق معاج وهوبعده في بدايته اشتري زيت خروع من
الصيدلية , وحطي ربع او نص الغرشة في كوب وزيدي عليه عصير – او اي سائل تحبينه –
وسمي بالله واشربيه بسرعة
2/ بعد ساعتين من شربج له – ممكن تمشين وهو افضل – اشربي شيء دافي ء ممكن شاي او قهوة
3/ لما تخلصين مشي وشرب شاي او قهوة
ادخلي الحمام وقولي دعاء دخول الخلاء – واسبحي وحاولي تركزين ع البطن واغسليه بماي دافي
وطبعا خلال هالفترة بطنج بيمشيج وتنجبيرين كم مرة تدخلين الحمام لين بطنج ينظف عدل 0
تجربتي مع ولدي
ولادتي تاخرت يمكن اسبوعين عن موعد الدكتورة فقالت لي تعالي بعد برقدج وبولدج
وكان يوم خميس نشيت وشربت ربع غرشة – بس ما فيني ويع
يوم الجمعة الصبح – صبح عرفة – اتصلت في الدكتورة زينب وقلتلها قصتي فقالت لي هالمرة اشربي
نص غرشة مع العصير – كان في ويع خفيف جدا وكان ويع عادي بدا من التاسع
فتوكلت وشربت وبدا الويع عندي يزيد فسرت تمشيت – غمضني بوالشباب صايم – وشربت شيء دافي بعد ساعتين وسبحت
والحمدلله عاالليل ربيت ويبت عمر وما احتجت تحاميل للتنظيف 
وفي بنتي تأخرت وماشربت الزيت من الصبح وكان جمعة دخلت الحمام فشفت دم خفييييييييييييف
وكان ريلي في بت خالته فطرشت له مسج انه اييب لي زيت – اتحسبه فاهم لكنه طلع مب فاهم ان فيني ويع
واستوى العصر يا البيت وخذ الدراجات بيودي الصغارية البر قلت له وين بتسير انا فيني ويع
سر هات لي زيت ولا ياب لي قال اذا الويع خفيف بييب لج واذا وايد بوديج المستشفى
قلت لا بعده الويع خفيف
وصل الساعة 8 وسرنا صيدلية الجمعية وخذ لي الزيت وعصير وشربت نص الغرشة
واتمشينا قريب البيت وعقب سرنا عالبحر وخذ لي شيء دافيء وبعده عشا ء
ووصلنا البيت وركض ع الحمام وسبحت وبطني بعده كم مرة دخلت الحمام
ويوم وصلت المستشفى دخلت الحمام ع طول والنيرس ادق علي افتحي الباب عن تولدين في الحمام
بس بطني بهدلني لين نظف
هني انا غلطت وشربت الزيت متاخر
فنصيحة اللي تبغي تجرب الزيت تجربه في بداية الويع مب في نهايته لانه يبهدل والسموحة واللي تجربه وينفع معاها
تدعي ان الله يفرجها ع ابوي واخواني ويرزقهم اللي يتمنونه 
يمكن كل وحدة تختلف ما فيني بعد ويع بطني من الولادة ومن الاسهال خيبة ما اقدر
الله يسهل علينا
وايدات قالن انه يفصل المشيمه الصراحه انا شربت شويه ونزلت مني افرازات بنيه وخايفه اشرب زياده واستضر …………
ما شاء الله لان خوات ريلي و خواتي وحريم اخواني ما يستغنون عنه بكل ولاداتهم
والحمدالله ربي سهل عليهم كل ولاداتهم
