انا من شهر متزاعله ويا ريلي وعلى سبت انه كان يخوني بس عدت هذي المشكله والحمدالله
الحين طلع لي سالفه ثانيه انه بين فتره وفتره يبات برع ويا ربعه يعني يغير جو وانه عادي يسافر في السنه مره او مرتين ويا ربعه
وانه بينتسب لجماعه في الهند بس مختلطه لانه نسبته ضعيفه وهني في الامارات ماتقبل الي نسبته ضعيفه
المهم انا كل هذي الاشياء وااااااااااااااااااااااااااااا اااايد اتضايقني وكم مره حاولت وياه انه يشيليها من راسه بس ماشي فايده وقال اذا انتي اتضايقج الجامعه المختلطه خلاص انا بدور اي بلاد فيها جامعه مب مختلطه بس انا اخاف اتكون في لبنان ولا الدول الي تعرفون فيها الفسق
والله اني فكرت انفصل عنه بسبت هذي الاشياء ماعرف لاني ما اوثق فيه واااايد من كثر ماشفت منه من خيانات
هو وعدني انه يتغير بس هذي الاشياء مايقدر يهدها على قوله ابغي اخذ راحتي شوي انا مب لعبه في اييدج او دبدوب بتغين اتحطينه في اي مكان واي غرفه واتسكرين عليه الباب
انا قلت له انا ما امنع من الطلعه بس اطلع واتمشلى ويا ربعك بس انك اتبات لا انسى
هو مارضى وقال انا ببات بين كل 3 او 4 شهور مره
والحين احنا مختلفين على هذي النقطه على سالفه الجامعه + المباتاه بعد ويا ربعه+ السفر ويا ربعه
انا قلت له هذي الاشياء كلها اتيب المشاكل لحياتنا هو يقول لا
ماعرف شو اسوي والله هل ارضى واسكت واكتم بقلبي الحره
ولا اتم مصره وانفصل عنه لاني مب قادره عليه ولا هو قادر يفهمني
على فكره هو قبل ما كان جي بس من 3 شهور اتغير ماعرف ليش
نحن متزوجين من4 سنين وماعندنا عيال
ساااااااااااااعدوني وشووووووووروو علي الله يخليكم ماعرف شو اقوله الين باجر هو بيييني بس انا مب مواقفه على شروطه هذي
حاولى تتفاهمين وياه بهدوء
ربى يسعدج ويصبر أغلب الحريم على ريايلهم
عزيزتي .. مشكلتكم الأساسية هي السفر والمبيت .. وغيره ..
ولا مشكلتكم .. عدم الانجاب؟!
لازم إنتي وهو تقعدون مع بعض وتتكلمون في مسألة الإنجاب بوضوح ..
يمكن هذا الشي اللي مسبب مشاكل بدون ما تحسون ..
الله يوفقج وياه ويرزقكم الذرية الصالحة ..
الموضوع بس السفر+ المبيت+ الجامعه الي في الهند
يااااااااااااااااااااااااااااااارب ادعولي انه لاجامعه في الخارج تقبل في زوجي
والله ما اقدر اخليه يسير برع يدرس على فكره هو بس بيسير ايام الاختبارات
بس ماقدر بعد اخاف من بنات الحرام
بس بشرط ايام الاختبارات ياخذج معاه … منها تغيرون جو و منها ما يسافر روحه …
بالعكس يا اختي شي طيب انه يفكر ياخذ الشهادة بس طبعا بشروط …
اختي حاولي تشوفين الامور بايجابية دايما و مش بالسلبية لانج انتي اللي بتتعبين و في النهاية هو بيسوي اللي ف راسه
حاولي تسايسينه و تأيدينه في كل الامور و خليج معاه لا تفارقينه لحظة
يعني ليش يسافر ويا ربعه ؟؟ ليش انتي ما تسافرين وياه ؟؟ حاولي بالسياسة شوي شوي وياه حتى يقتنع ياخذج انتي بدال ربعه !!
هالامور كلها يبالها ذكاء من الحرمة … اسلوب لبق ..شكل حسن … كلام حلو .. مع ابتسامة بريئة … و اذا احتاج الامر لدمعتين … بتقدرين توصلين للي تبينه …
و الله يهدي ريلج ان شاء الله و لا تنسين تدعين ربج باستمرار …
بعدين ياعزيزتي وايد ارياييل يسافرون برع البلاد يدرسون ولا يشتغلون
وايتمون سنين وينزلون اجازات مب شرط كل ريال يطلع برع البلاد ايخون حرمته
لو عندج ثقه فيه وهو ايحبج ويحترمج هالشي بيكون عادي بينكم
بس سالفة انه يبات برع البيت هاي مالها لزمه ومب مهضومه ع قولتهم
الا لو طالع رحله اماره ثانيه مافيها شي خليه انتي بعد خلج شوي مرنه ولاتوقفيله ع الوحده
لاتسير ولاتسوي ولاتكمل دراستك لو صح هو رايح يدرس وانتي تحسين عنده طموح خليه