خواتي بغيت شوركم ريلي طوال اليوم يمزح ومزحه ماااصخ والله كرهت ايلس وياه
نطالع تلفزيون يمزح احضنه يمزح حتى بالعلاقه يمززح
والله نرفزني بكل شي مزززح مبااالغ فيه يعني والله مافي لحظه باليوم نجلس جلسه عاقلين كله مزززح انا جد اكره المزح الزايد يعني حلو الرجال يضحك ويا حرمته بس والله مب حلو طول الوقت
مافي موضوع جدي حتى المواضييع الجاده يمزح فيها واخر شي اعصب واقوم ولا جيت اكشخ له والبس او اغير شي بالبيت
او اسويله حركه رومنسيه بس يعلق تعليقات باايخه ويمزح
والله مرات ايلس معاه واصيييح اقوله احس انك اخوي
ابى احس انك تشتاقلي تناقشني بهمومك بشغلك باسرارك
ابى نسولف سوالف جديه ابى احس انك تحبني
اقوله والله احس بفراغ عاطفي انتا بس مززح ولا وقت رومنسي ولا وقت حنون
وهو يقولي ما يعجبك اني اضحك معاكي وامزح لازم اعصب
وانا والله احب امزح معاه بس لكل شي حد
مرات حتى يمزح باليد خضرلي ايدي من قرصه وعضه
حبيت افضفض واسمع نصايحكم
وياريت الي تقرا وماتكتب كومنت تدعيلي الله يغيره ويهديه ويغنيني بيه عن مغريات الدنيا
مزح عن مزح ثاني يفرق
خليه يمزح احسن عن يمد ايده عليج ويرويج الويل حلو المزح وانتي بعد خلي دمج عسل وامزحي وياه
يعني مو لازم يكون الشي بوقته عسب تخبرينه
رتبي افكارج
واختاري وقت مناسب لج وله
وقوليله يا فلان عندي رمسة لك
وابتدي بالمدح فيه اولا
وتجنبي كلمة ولكن لان تحسس الانسان ان فيه نقص
وقوليله بس ودي ان هالعلاقة الحلوة اللي بينا تكتمل بالاشيا التالية
وعددي شو تبين منه
وقوليله انت بعد لو تبى شي مني خبرني الحين وانا كلني اذان صاغية
والله يسخره لج ويسخرج له