زوجي والنفاس

مرحبا خواتي اسمحولي اول مرة أحط مشكلتي ويا ريلي

انا متزوجة من 12 سنة وماخذة ريلي عن حب سنين قبل الزواج وعندي 3 عيال الله يخليهم
زوجي يعشقني بجنون وانا أموت في الارض اللي يمشي عليها، عايشين حياة مستقرة ولله الحمد

بدت مشكلتي من ا10 أيام بعد ما ربيت وأنا في مرحلة النفاس يالسة طبعا في بيتي لأني ماقدر أسير بيت اهلي وأخليه بروحه وكل ما أربي في عيالي اسير بيتي على طول

هالمرة حسيته يالس يبتعد عني مب مثل قبل يبوسني ويحضني ويسمعني كلام حلو ، مع العلم هذي كانت اصعب ولادة وشفت الموت جدام عيني كل ما أقوله شو بلاك متغير يقولي لازم 40 يوم ما أقرب يمج وبعد ال 40 بتشوفين كل شي يتغير .

يطلع ويدخل البيت ولا كأني موجودة وأنا متلعوزة مع العيال والبيت والطبخ والخياطة مالت الولادة ذابحتني أشيل واحط وانا اتقطع من العوار

جدوله كالاتي

يسير الدوام ويرجع يقرا قرآن وينام لين صلاة العصر
يقوم يصلي ويقرا قرآن وبعدين يسير الجيم(ماشالله عليه يهتم في عمره وايد)
يرجع من الجيم ياخذ الأولاد يسيرون يوصلون فطور حق المسجد والجيران
يرجعون عالفطور
يتفطر وياخذ غفو لين صلاة العشا
يسير يصلي التراويح وبعدين يسير النادي(زوجي مدرب سباحة)
يرجع الساعة 11 بالليل ييلس ويا عياله شوي وبعدين يقولي حطيلي سحور وبرقد

يتسحر الساعة 1 تقريبا ويرقد عشان عنده دوام

وأنا اطلع من غرفة وادش مثل المينونة حتى ماعندي حد ارمسه غير البيبي الله يحفظها.

صارلي كم يوم ايلس اصيح وانتو تعرفون مرحلة النفاس اكتئاب والواحد متضايق عشان ما يطلع ولا يسير مكان ولايعة جبدي من جسمي وخاطري اسير الصالون اتعدل

مع اني حتى في النفاس اتعدل والبس لبس حلو واحط ميكآب خفيف بس ولا عالبال

ابغي اكتبله مسج ولا أفاتحه في الموضوع بس مب عرفه مع انه حياتنا مبنية عالصراحة دوم

فديتج .. لا تستوين حساسه.. الحرمة في فترة النفاس لازم تكون كلها حيوية .. لان الخلايا والهرمونات تبدا تعيد نظامها من جديد….
هالموضوع مر علي .. بس الحمدلله اتجاوزت هالفترة..
بعض الرجال لما تكون حرمته في مرحلة النفاس يكون راغب لها اكثر من أي وقت ثاني..
امتناع زوجج عنج قد يكون لهذا السبب .. لا هو انشغال ولا شي.. وصدقيني من تطهرين .. بتشوفين كيف الوضع بيرجع طبيعي.. خليج لاهيه مع عيالج والبيبي.. وانتي اللي فيج يكفيج.. الم وتعب وسهر..

الله يبارك لج في ريلج وعيالج .. ولا تعطين الامور أكثر من حجمها..

الوحدة منا في النفاس اتكون وايد حساسه وما اضن الريال فيه شي كفايه انه مهتم فيج وفي العيال وصلاته مع انه الوحدة منا تبغي شويه اهتمام بعد الولادة لانه النفسيه اتكون داوووووون بس هو قالج بعد الاربعين كل شي بيتغير ولا تضيايقين بنفسج وانتي مب ناقصه……..وابعدي عنج الحساسيه الزايدة

وانا معاج اختي wmansoori كلامج في محله

اعتقد صح كلامج بس انا ماتعودت تتغير علي الامور خصوصا من ناحيته ، مثل ما عياله محتاجين للحب والحنان أنا بعد محتاجه حد يحسسني بنفس الشي

الله يعينج

للرفع