كيفكم اخواتي ان شاء الله تمام
اخواتي بصراحة مو عارفة شو اقولكم بس جد محتاجة افكاركم لتجديد غرفتي
للاسف انا ما عرفت اظبط الالوان عدل بالغرفة زمان
والحين احس زوجي ما يحب يقعد بغرفة النوم ابددددددا يقولي احس بكآبه وضيق وكله يقعد بالصالة او بغرفة المكتب ويقولي احس الوانهم تفتح النفس
غرفتي حلوة بس مملة جدا لان الالوان ترابية كلها تقريبا
حبيت اوضحلكم شو اقصد شوفوا الصورة فيها لون السيراميك + لون صبغ الجدار + الوان الستارة لاني دمجت فيها لونين + لون الخشب
فالوان الغرفة جدددددا باهته وتجيب الكآبه
فقلت دام الغرفة مطفشة الاخ لازم اغير لون الصبغ والستاير عشان شوي تكون فريحية وتفتح النفس
بليز ساعدوني باقتراحاتكم لإحياء غرفتي الميته واذا عندكم صور توضيحية بللللللليز ساعدوني فيها او اي مواضيع مميزة وتغير من الغرفة افيدوني فيها
انا فكرت بالبحري كصبغ للجدار والابيض الممزوج بالبحري للستاير بس خفت ما يعطيني النتيجة الي اتمناها
وممكن تغيرين الستاير وتسوينها ازرق
ممكن تشترين اكسسوارات زرقاء
او اقتراح ثاني
تدمجين العنابي بيطلع روعة ويا البني تسوين حركة ستارة ورا الكرفاية باللون العنابي مع الذهبي بتلاقينهم في هوم سنتر ولايف ستايل
وتشترين بوكسات المخدات او غنفات الزينة باللون العنابي كديكور شايفتنهن فلايف ستايل
وتشترين اكسسوارات بلون عنابي بيطلع رووووووووعة
ولون الستاير تركواز مع ذهبي فطالع جو الغرفه هادىء
المشاركة الأصلية كتبت بواسطة قايده الغزلان 
وممكن تغيرين الستاير وتسوينها ازرق
ممكن تشترين اكسسوارات زرقاء
او اقتراح ثاني
تدمجين العنابي بيطلع روعة ويا البني تسوين حركة ستارة ورا الكرفاية باللون العنابي مع الذهبي بتلاقينهم في هوم سنتر ولايف ستايل
وتشترين بوكسات المخدات او غنفات الزينة باللون العنابي كديكور شايفتنهن فلايف ستايل
وتشترين اكسسوارات بلون عنابي بيطلع رووووووووعة
فكرت كثير بالعنابي بس حسيت نفس الشي بالعكس الحين الستاير شوي معطيه جو بس لو عنابي بيعطي فخامه صحيح بس بنفس الوقت بيزيد الالوان تخيلي الستارة عنابي والاثاث بني محروق والارضية بني محروق نفس الحكاية بتصير
بليز لو عندك اي افكار او صور او الوان ثانية تساعديني
انتي عندج شيئين تقدرين تغيرينهم بسهولة و هم لون الجدار و الستاير
و شيئين تغييرهم صعب الاثاث و الارضية صح !!!
عيل الحل في انج نصبغين الغرفة لون حلو يديد غير عن اللون الكريم هذا او الابيض و الله مش باين
و الستاير بعد تقدرين تغييرنهم اذا حبيتي
و عندي لج حل للارضية الغامقة .. حطي سجادة لونها فاتح .. مب شرط تكون على كبر الغرفة
لا لو بس تغطي نص الغرفة على الاقل تفتح و تنور الغرفة
و شوفي شويه امثلة للاشياء اللي قلت لج عنها
تقريبا اخترت نفس الوان اثاثج و الارضية بس شوفي الصبغ و الستاير
بعد فيه شي
الاكسسورات .. الاباجورات و لحاف السرير اختي يلعب دور كبير في اضاءة الغرفة
شوفي الصور و بتعرفين قصدي
[IMG]
[/IMG]
[IMG]
[/IMG]
l
[IMG]
[/IMG]
[IMG]
[/IMG]
العبي بالالوان في اللحاف و السجادة و الاباجورات و اللوحات بعد لو حبيتي تعطي حياة شوي في الغرفة ..
الحين هذااللي عندي و اي سؤال حاضرين 
عشان اعرف انزل لك الصور اللي بتساعدك ! ! !