انا داشه من نك نيم بنت عميه
يايه استشيركم بموضوع
بنات انا اخاف اتزوج زواج تقليدي نا اعرف ليش
احس انه بيفشل ريال ما يعرفنيه ولا اعرفه اشقايل بعيش وياه
؟؟؟
ادري خواتيه بتستغربن من رمستيه
بس ماعليه تحملوووونيه
ابغي اشوف تجاربكم لن اللي حولي اللي زواجهم تقليدي كله فاشل تعقدت
انتظر ردودكم
مممم.. والله هو على حسب الشخص اذا كان زين او لا. . وكيف اسلوووبه ومعاااملته.
وانتي اوردي بتتعرفين عليه اكثرر اياام الخطوووبه والملجه.. الزواج التقليدي له سلبياته وايجابياته
والزواج الي عن حب بعد له سلبيات وايجابيات.. اهم شي انه يكون الطرفين متفاااهميييين..
والسمووحه لو طولت عليج
بس التقليدي احسن لانه لو انا بسير والله وبحب لي واحد وبقول له فلان انا حبيتكط وبيقول لي وانا بعد طيب يلا بتقدم لج
وتقدم لها ومع الايام من وين يتي وليش تاخرتي شوفيك والله مثل ما خنتي ثقه اهلج فيج انا شو يظمني انه انتي بعد ما تخونيني صح ؟؟؟ يوم لك ويوم عليك يعني امس كنت احبك بكره بيقول غيري حبيتيه واكيد رحتي معاه
احسن شي تستخيرين رب العالمين…….والخيرة فيما اختاره الله
فـــــاشـــــــل
و الحمدلله مستااانه اخر ونااسه
الريال ما اعرفه و لا يعرفني مووووووول و بالصدفه و الله اهله خطبوني
و صح من البدايه ما ارتحت للزواج بهالطريقه لان تفكيري كان مثل تفكيرج بالضبط
بس في النهايه عرفت انه هذا هو الصح تعرفين ليش؟
لان الريال يبا وحده ما يعرفها من قبل ولا يعرف ماضيها
يباها مثل البيبي اللي توه صاحي على الدنيا عسب يبتدي حياه يديده
مافي ريال يبا ياخذ وحده يعرفها من قبل (الا ناااااادرا)
ف ليش تخاطرين بعلاقه نسبة نجاحها 1%
انا بذني سامعه واحد ويانا في الدوام يرمس ربيعه ويقوله مستحيل اخذ بنت اعرفها من قبل او تشتغل معانا بالدوام
حتى اخواني و شباب عايلتنا نفس التفكير الا واحد يؤمن بالحب قبل الزواج
يعني نادر ما بتحصلين واحد يحبج ويبا ياخذج بعد علاقه
الحب الصادق يبتدي بعد الزواج << هالكلام اكيد مليون بالميه
هذا كلام اغلب الشباب
و البنت هي اللي تقدر تخلي حياتها ناجحه او فاشله
يعني كل شي بيدج
خذي مثال بسيط:
انا ماكنت اتغشى و لما قال لي ريلي .. في البدايه عاندت قتله انا اتحجب مافي داعي بعد اتغشى
هالكلام ايام الملجه
بس بعد ما تزوجنا من نفسي تغشيت .. حسيته استانس و قال لي انا مابا اجبرج بس ابا اشوف اذا بتسمعين كلامي او لا
هذا مب معناته اسمع كلامه في الصح والغلط لا .. الصح صح و الغلط غلط
اسمحيلي طولت عليج
بس نصيييحه مني اذا متقدملج واحد واهلج واثقين منه
و رياييل و شباب عايلتكم سألوا عنه وشافوه ماعنده خرابيط و يصلي فرضه
وااافقي عليه
بيدج انتي تتحكمين في حياتج و تغيرين وايد اشيا في الريال و تخلين حياتج ناجحه ان شاء الله
امي
خالتي
وعيال عمتي
وبنات خاالوووتي
وو البناات اللي من اهلنا تزوجو عن حب
قامت القيامة ولم تقعد ولين احين اهلها مش مسامحينها
مش مهم زواج تقليدي او حب
المهم انج تختارين الانسان صح
ها اللي اوصيج ايااه
بتقوولين كيف بنعررف وما ادرشووو
انتي ما بتعرفينة من فترة الملجة ولا الخطووبة هذا مستحيل لانه بيكوون احسن انسان ع وجه الخليقة
السنين تكشف لج الانسان وبتكتشفين عيوووبه بعددددددددددددددين
قبل ما ترتبطين بحد اسألو عنه عدددددل عددددددل
مب بشكل سطحي
يعني دوورووو ونبشووو لان هااي حيااه ومصير
وتذكري شي وااحد
مافي انساان كاااااااااااااامل ، بس انتي حطي لعمرج اولويات تدورينها في الطرف الثااني وتغااضي عن البااقي
مثلا انااااا
اولويااتي
اصل وفصل بطن وظهر ّّّّّّ أهم شي
اخلاق ّّّّّّّّّّّ بعد مهم
حسن المظهر ( اتقبله ) ّّّّّ ف المرتبه الثالثة
وها الاشيااء اللي اتغاضى عنها
انه يكوون غني ماا يهمني اهم شي ميسوور الحاال
ويكووون ملك جمااال بعد مش ضروري