ريلي يكرهني المومة و الطفل

مرحبا بنات أتمنى إلي عندها نصيحة ما تبخل علي لأني صدق محتاجة النصيحة
انا ملجت من شهرين تقريبا وزوجي كان يموت علي صح كنا نتهاوش بس نصحى ثاني يوم ونتصالح
من إسبوعين تقريبا لاحظت زوجي تغير صار عصبي أكثر من قبل وفي مرة غلطت معاه وقلت له (طلقني) وراح خبر إخته الكبيرة واخته اتصلت فيني وسمعتني كم كلمة وهو صار يكرهني والحين نحن على وشك (الطلاق) الله لا يقول إنشاءالله بس زوجي ملزم إلا يطلقني مع إني إعتذرت وتأسفت وإنذليت بس ما هو ماشي فايدة يقولي (عافج الخاطر) تخيلوا وبعد قال يكرهني سافر ورجع البارحة
والمشكلة إنه كبر السالفة ووصلها عند أهلي وأهله
مع العلم إنه هو شخص مب متعلم وانا مخلصة جامعة بس انا تزوجته وانا مقتنعه فيه والله كسر قلبي
يوم عرفت إنه يخبر إخته كل صغير وكبيرة
بليز إلي تدخل ما تبخل بردها ارجو النصيحة

والله اختي ماعرف شو اقولج الله يعينج ويهديج بعد
انزين دام السالفه وصلت عند اهلج واهله ليش ماتخلين امج او اختج الكبيره تتدخل وتفهمه ان الحريم ناقصات عقل ودين ومشاعرهن دوم تسيطر وان هاي كانت زله وماراح تنعاد بس هي من الضغط اللي كان عليها وهاي السوالف يعني

الموضوع لازم يدخل فيه كبار

وربي يعينج

مشكورة الغالية على الرد
دخلوا فيه الكبار وكبرت السالفة
بس الحمدالله على كل شي انا استخرت والله يكتب الي فيه الخير

الغاليه يمكن ردي ما بيعيبج

كل اللي بيكتبه لج رب العالمين خير

فيه زيجات استوت اشخاص مختلفين في المستوى التعليمي وكل هالزيجات ما استمرت
لانه فيه فرق في المسعتوى التعليمي
انا اعرف وحده عندها شهاده جامعيه وزوجها اقل منها واستوت مشاكل وما استمروا وايد
بس اللي اقدر اقوله لج استخيري يوميا وربج بيكتب لج كل خير

صح كلام البنات صح مب الكل بس اغلبية الرياييل اللي مستواهم العلمي تحت شوي وياخذون جامعيات اتكون مشاكل وايد امبينهم .. يمكن هالشي خيرلج ماتدرين

والله يكتبلج اللي فيه الخير

الله يعينج المفروض ما يخبر اخته كل صغيره وكبيره ؟؟؟ يمكن عنده حد ف حياته لانه مستحيل كلمه اتغيره جيه

نصييييييييييييييييييييييحه مني لا اتذلين نفسج اكثر لانج اعتذرتي وبعد ما فاد وياه وقالج بصريح العباره ان ما يباج فصدقيني لو ذليتي نفسج اكثر واتزوجتوا بيتم طول عمره يذلج وما بيحبج ويممكن يستوي الطلاق عقب الزواج لان ما انبنى على حب من الاساس فتطلقين وانتي بعدج ما تزوجتيه يعني بعدج بنيه احسن من ما تطلقين وانتي حامل او خلاص فقدتي العذ……… وبعدين فكري فحياتج عقب الزواج اذا كل شي بيستوي امبينكم بيسير وبيخبر اخته عنه … شو بيكون موقفج وكيف بتتفاهمين ويا هالانسان … اسمحيلي اقولج ان الناس اللي جيه ما يكون عندهم شخصيه يعني باجر اذا اخته قالتله طلقها بيطلقج قالتله حبها بيحبج .. اضربها بيضربج الله لا يقول يعني ما عنده شخصيه … واذا المشاكل باديه من الحين الله يعين عقب شو بيستوي … حبيبتي صلي استخارة وادعي ربج يكتبلج الخير … ونصيحه مني لا تاخذينه دام قالج انج طلعتي من خاطره وكرهج صدقيني الريال اذا قال هالكلمه وعزم انه يطلق خلاص لا اتحاولين وياه واذلين عمرج لانج بتعيشين عقب طول عمرج مذلوله والحينه انتي ع البر والحياة جدامج لا تربطين عمرج بواحد يمشي ورا كلام اهله وما يحاسب على كلامه ويجرحج بهالكلام قبل ما تتزوجون … انشالله الله يرزقج بالزوج الصالح اللي يقدرج ويسعدج ياااارب