بغيت نصايحكم بخصوص الزواج ..
ان شاء الله قريب بملج يعني بكون مع تواصل ويا ريلي ..المشكلة كالتالي ..
انا اشتغل ودوامي طوويل وبنفس الوقت ما ابغي اطلع من الدوام وخطيبي اللي بيكون ريلي دوااامه شفتأت موزعين ما بين الظهر والمسا ..يعني بيكون فاضي بس الصصصبح وهالوقت انا بكون في الدوام يعني ما بنتشااااوف وايد على حسب طبيعة شغله… ويومين عنده اجازة..وغير عن جي هو يكمل درااااسته الجامعية ..يعني اليومين اللي عنده اجازة بيستغلها في الدراسه في الكلية …
اما عني انا فدواامي بيخلص عالساعة 5 او 5 ونص ..وعقب اسير النآدي لاني من زمان مسجلة فييه وما ابغي اطلع من النادي واغير هالروتين بسبة الزواج وفليل ارقد من وقت عالساعة 11 او 12 بالكثير…ممم يعني لو افكر فيها فرضآ لو ملجت ما بحصل وقت اكلم فيه ريلي ولا هو بيحصل وقت بيكلمني لانه اوقآتنا ما تسآعدنا !
انا ابغي اكون ايجابية من هالنآحييــة ..بس ساعات يوم افكر فيها شو بسوووي عقب الزواج لو هالحياة بتكون الحينه … ما بشوووفه وايد وهو ما بيشوووفني بسبة الدوام !
محتآرة وايد من هالناحية حتى سآعات اقوول خلاص بشل فكره هالزواج من راااسي لانه حياااتي الحينه عايبتني وعقب شكلي بودر وايد اشياء مثل الدووام والنادي بس عشااان احصله في البيت وعسب اوقاتنا تكون شرات بعض 
هالشي وايد متعب تفكيري ليش اتنازل عن هالاشياء مع انه ريلي عادي عنده اني اداوم ويعرف دوامي طويل بس هو ما بيتنازل عن الدراسه ودوام الشفتات يعني شكلي انا اللي بتنازل عن وايد اشياء ,..
بليز انصحونني كيف ارتب اوقآتي واللي ريلها يداوم شفتات تخبرني عن تجربتها !
والسمووووحه
كلناا تنازلناا عن الاشياء الي نحبها لانه الحياه الزوجيه وايد صعبه خاااصه اذا ماكنتي متعووده عليها ..
قد ما تقدرين رتبي وقتج وفهمي ريلج طبيعة شغلج وان شالله خير ..
انتي ترومين ترتبين حياتج و ريلج بعد
اليوم اللي بيكون اجازة لا تسيرين النادي او اذا درس فالجامعه سيري و ردي قبل لا يخلص
والدوام جربي اول ماقدرتي حاولي تنتقلين مكان ثاني مثلا
بالنسبه لحالتج تقريبا نفس حالة اخوي بتكون عدا انه خطيبج يدرس قلتي ، و لا تنسين انه الدراسة ظرف مؤقت يعني بتمر سنوات دراسته مثل لمح البصر و بتشوفينه متخرج باذن الله فلا تحاتين ما بيتم طول عمره ع مقاعد الدراسة و عقب بيرجع يشوفج اسبوع هي و اسبوع لا ( ما عدا بعض الاوقات القليلة )
موفقة
انا اشوف دام ريلج موافق على روتين حياتج
عيل مافيها اي مشكله
لكن المشكلة عقب يوم بيونج العيال ومسؤوليتهم
عقبها لازم تتنازلين
وهاذي هي حياة الزوجات والامهات خاصة
ياما تنازلنا عن وااااااااااااااااااايد اشيا عشان عيالنا ورياييلنا وبيوتنا
وبرايي ان الاشيا اللي ذكرتها مو اهم من الدوام او النادي