ياحريم…اشحالكن
عندي مشكله ومب عارفه شوه اسوي..
أنا من ربيت كملت شهر الحين…
طبعا تعرفن الحاله الي تمر ابها المربي…وانا حالتي الحمدلله قامت تتحسن..بس المصيبه العوده…
اليوم الصبح…
ريلي…
.
.
.
.
.
.
وهو سارح الدوام اتصل فيه لأنه معودني يتصل من يوصل الدوام..المهم يالسه اسولف وياه..جان يقولي
(شوه الحين…مابتسوين خياطه)
أقولكم هني أنا ماعرفت أرد عليه…صختبي الدنيا..والله ويهي عورني….( أنا ياحريم من عقب ماربيت سولي خياطه لكن خاطولي غلط ولتهب المكااان عليه ف اضطريت اشل الخياطه)
ريلي مشاءالله عليه من النوع الواعي والي يعرف كل شي…ف قالي بلحرف الواحد ( مايصرف جي عقب الاربيعين مابتسوين خياطه) أنا هنيه أرتبكت وقلت له امبلى..بعد مايستوي اتم جي,,, (( أوني أعدل الجو)
رد وقالي انزين..اتصلي بدكتوره وشوفي كيف وبكم وكم بتمين في المستشفى!!!!
قلت له اوكي اوكي..وسكرت..لا اتصلت بدكتوره ولاشي….ويهي عورني…
هذا أول مولوود لي بس أنا أحس انه النفس عندي وسيعه مادري ليش..
شوه اسوي؟
والله صدق فضيحه…
حبيبتي يلسي ويا ريلج وتفاهمي وياه شوفي اللي هو يباه وسويه مافيها شي عزيزتي اذا قالج هالكلمه بس سبحان الله انتي في فتره وايد تتحسس منها الحرمه
موفقه الغاليه
مستويه حساااسه أكثر عن اللازم والله…
انزين منوه تقدر تعطيني حل…والله فضيحه مابقى شي وبطلع من الاربعين
سويله الي يباه يبين انه ريلج واحد موب هين وموب سهل وسوري اناني بعد