شو هي الاشياء اللي تعودتي تسوينها لريلج
وساعدتج في تاسيس بيت سعيد وحياة زوجية
سعيدة؟؟؟
موضوع للنقاش وللفرفشة اتريا ارائكن ونصايحكن خواتي الحلوات .
اتريا ردود الاخوات
وعقب الزواج حاولت احاول اكسر الحيا والتردد واطلب احيانا منه رصيد وفلوس زياده لو ماكفتني واذا ماياب هديه ومانفعت التلميحات خلاص اطلب بالويه اريد الشي الفلاني اشتره لي
^_^ والحمدلله مرتاحه من مصارحتي وهو مايقصر يزاه الله خير
بس طبعا لازم بأسلوب لطيف وحلو
والشي الثاني اللي عودته عليه انه هو اللي لازم يشل الاغراض
وانا ما اشل الا للضروره واحتاج مساعده
سبحان الله اول شهر زواج كان الوضع مختلف
احيانا يخليني اشل وياه اشياء ثقيله وانا كنت انصدم واتضايق وهو يتحرى جسمنا مثل الرياييل عادي واني اتدلع يوم ما اقدر اشل
بس انا من البدايه عودته كله اقول لاء ماقدر ، تعبانه ماتحمل ، واذا شليت شي حتى لو مب ثقيل اتصنع اني تعبانه وما اتحمل
اخر شي تبارك الله تغير الحال وهو يشل كل شي ومايحب اساعده
وشي ثاني بعد عودته ان نتشرى مع بعض اغراض البيت من الجمعيه
ماريد يعتمد علي من البدايه ويعطيني فلوس ويقول اشتري
وعشان اعوده اكثر عالمسئوليه
لما يكون لي حاجه اتصل اقوله اشتر جي وجي ،، هالشي ماكان يعيبه احيانا خصوصا انه الجمعيه عدال بيتنا وعندي سيارتي بس سويت هالشي عشان اعوده على المسئوليه اكثر ، بس عادي مرات امر الجمعيه بروحي لو باخذ لي شي عالسريع
وبعد في كم شي بس وايد بطول في ردي
ف اكتفي باللي كتبته عسى تنتفعون منه
ولين الحين اريد اعوده على امور ثانيه ف الله يسهل