ردو علي بسرعه تأجير كراسي أطفال فالنمسا

السلام عليكم خواتي والله مالي غيركم أنا ان شاء الله عقب كم يوم سايره المانيا والنمسا وانا وريلي متبهدلين بسالفه كراسي الاطفال أنا عندي اثنين واحد عمره 4 والثاني 7 واحد من ربع ريلي يقول حتى عمر ال 12 لازم كرسي أطفال وواحد ثاني يقول 7 سنوات مب لازم فحيرونا والمشكله حجزنا سياره من المانيا بس للأسف ماحصلنا كراسي اطفال كلهن محجوزات والحين ما ندري نأخذ من البلاد … وناخذ حق الاثنين ولا بس الصغير ياليت تفيدوني عسب نخلص أمورنا قبل السفر الله يجزاكن خير

قبل شفت في الموقع وانا احجز السياره يطلعلي خيار اذا ابغي كرسي سياره

ممكن تاخذين من البلاد واظن حق الي عمرهم سبع سنين ممكن تحصلين مثل شي يشبه المخده بدال الكرسي الي حق الاطفال الي شوي اكبر من الي اعمارهم تقريبا لين خمس .. بس كنا ماخذينها من محل السياره نفسها

بس الاحسن تتصلين في المكتب تسالين لو عندهم عشان ما تشترين وتشلين وياج بس اذا ماعندهم الافضل تشترين لان من قوانينهم الطفل يكون يالس على كرسي خاص له وبالحزام

للرفع

اختي انا قبل رمضان راجعه من النمسا وماجرين سيايير لا اجرنا كرسي اطفال ولاغيره

بس اهم شي هناك انكم تلنزمون بعدد الاشخاص مثلا السياره تشل خمس اشخاص ماتتعدون الخمس احسبوا اليهال ان شالله عمرهم سنتين يعتبرونهم ركاب

ولازم حزام

نحن الحمدلله ولا مره وقفتنا الدوريه غير مره وحده بدال مانحطي اليهال فكراسيهم ورا بسبة السامان يوم انتقلنا من منظقه لمنظقه جان يغرمونا

لانا مايلسناهم ع كرسي السياره يعني باختصار مايسالون عن كراسي الاطفال

وربي ييسر سفرتكم

الي عمره 7 سنين اذا يقدر يربط الحزام والحزام ما ايي على ويهه ما يحتاي تاخذون له
والي عمرة اربع سنين لو تاخذين له المقعد ييلس عليه الياهل عشان يرفعه ويقدر يربط حزام الامان
انا عيالي واحد عمرة 6 سنين والثاني 5 سنين السنة ما خذت الهم كراسي وما كانو رابطين الحزام شافونها الشرطة ووقفونا وغرمونا عن كل واحد