شخباااركم خواااتي … ؟؟ عسااكم بخير..
مووضوعي.. (( جاء من وعد)) ووعد الحر دين….
وعدي كان للعضوه (( فطمطم)) وأعتذر منها أشد الأعتذاار على التأخير…
المشاركة الأصلية كتبت بواسطة فطمطم
اطالبج بتقرير احلى عن تقريري مزود بالصور الحلوه انتي ماشاءا الله تصويرج لا يعلي عليه
وألحين نرجع لمحور حديثنا…
في رحلتي للقرية العالميه.. كان الجو حلو… (( لابرد ولاحر)) وعلى الليل زادت البروده… والقريه بشكل عااام حلوه… (( ولو أنه بعض الدول… نفس المنتجات تعرض ومافي شيء يديد من العام لين السنه… بس بعد أحب القريه,,,
))
وأخليكم ألحين مع الصور…
صوره من بداية الطريق ونحن في شارع الأمارات..
مدخل القريه. 
جاهزين ينقلونكم وفــ رسم الخدمه… ولو أنتي لاصقه في باب القريه بعد بيوصلونكم..
(( أعنبوه)) وين بتوديني!!!!!
وهني شبك التذاااااكر 
تذكرة الدخول بــ عشرة دراااهم.. ومع الذكره تذكره سحب على سياااره… (( والفوز لقوم بابو طبعاُ)). 
مدخل القريه (( بوابه رقم 4)). 
والسنه الراعي الرسمي لل ATM Machine …. ستاندرد شارتدد بنك… 
واللي حاااب يطرش حوااله أو يصرف.. 
::: اليمن ::: قريه غنيه عن التعريف.. تتميز بالبهارات والتواابل.. والعسل )) وأوصيكم بشاااي الكبوس روعه للجااهي حليب. يميم
تعالوا أنريح شوي.. ونتهبش من الفوااكه الفرش من (( تايلند)).. 
(( يتبـــع..)) محد يرد لأكمال الموضوع…
وتحيه حاااره من جديد من أختكم المحتشمه.. (( القريه البحرينيه)). 
وشويه (( درااعاات وثوب وفسااتين بسيطه وأنيقه)).
مجموعه حلوه للأطفااال وأسعاارهم بين (( 5 دراااهم و10 درااهم)) وحتى للكبااار تشكيله كيوت.
وحركاات السكيني جيينز…!!!!؟؟!!!
وهني تشكيله حلوه للشنط سواء (( حقائب اليد أو السفر)) وفيها منها بشك.. وفيها منها برسم.. أو بالخااامه المنقشه.. (( يعجبوني بصرااحه)).
وهني كشك لبيع المأكولات التايلنديه..
(( محبي الأكلاات)) أتفضلوا… بالأضافه للشاي الكرك والسمبوسه
يلااا خذتوا اللي تبونه… والباااقياااات اللي مايحبن السي فووود… أشتروا كرك وسمبوسه وغيره من عصااااير ..
يلاا تعااالوا نتيلس هني ونرتاح لتكملة المشواار الطويل…
(( يتــــــبع))
وين سرتي !!
نتريا بقية التقرير الحلو شوقتيني للبقيه^_^
يلاا بنلعب شوي.. وبنتجه لقريه الكل يتعاافد عليها…
يلااا بسكم من اللعب… خلونا نكمل المشوااار…
تعااالوا أنسير تاااايلند… ونشوف الفساااتين اللي الكل هاااب فيهن هبه… لبساااطتهن وأناااقتهن ورخص ماديتهن…ههههههه والسعر بــ 150 درهم .. للفستان.. أما للقمصاان ماعرف.!!!
وهالصور أهداء اللعضوه (( أم بدر)) اللي تحملتني وصبرت عليه لين ماتفيقت ونزلت الصور.
وهني صور للقمصااان.. وبعد تشكيلتهم حلوه.. وعلى فكره يااابو تشكيله وااايدأحلى عن الصور .
ملاحظه:-(( مصوره العديد من الصور.. بس للأسف ماطااعت تتحمل ماعرف ليش!!!!؟؟))
وبكتفي حالياُ بها القدر من الصور.. (( وتأكدوا أنه لي رجعه ع الليل بأذن الله..)) لتكملة الموضوع. أو بـــ جزء ثااني..
ياااريت ألقى كلااام حلو… يرد الروح من عقب التعب اللي تعبته…
ودمتم جميعاُ بود.
(( تكملت الموضوع فــ صفحه رقم 3, 4)) وللموضوع بقيه,, خلكم متااابعين.
طلع بيننا قاسم مشترك يا ميره_دبي
وهو القرية العالمية !
أنا مسوية تقرير عنها وكنت ناوية أنزله هاليومين لكنج سبقتيني
لكن طبعا كل تقرير يكون مختلف عن الثاني
وان شا الله بتشوفون القرية من خلال عدستي
مشكورة على الجهد
ما شالله
تقرير حلو ومتعوب عليه
مشكوووووره عزيزتي
شوقتيني للقريه
عاد انا اموووت على الاكل والالعاب فيها هههههههههه
