رحلتي القصيرة لفندق ميركوري جبل حفيت بالصور

يبت لكم صور اليوم الي قضيته في العين انا وريلي اجازة عيد الاتحاد ..

بصراحه طلعتي من اولها لأخرها مفلعه هههههه .. كل ترتيباتي اختربت واخر شي عيالي مرضوا عند اختي ( ما شليتهم وياي) وتم قلبي ماكلني ما خبروني الا وقت النوم شفتوا رحلتي السعيده الي من دون اطفال ههههههه توبه اعيدها عيالي وياي وين ما اسير

بعد هالمقدمة .. نحن يلسنا في فندق ميركوري جبل حفيت .. حتى اني سألتكم عنه واحبطتني ردود البنات انه الفندق تعبان ومب شي ووضخ .. والبعض مدحه

بصراحه الفندق ظلمتوه بردودكم .. مب سيء ذاك الزود بالعكس وياكثر الاجانب فيه . .

الجو روعة والفندق نظيف والفراش نظييف كل شي تمام الحمدلله والمناظر الي حوالين الفندق رومانسية والله

اسمحوا لي ما وصورت وايد بسبب انه طلعتنا كانت ليل ولا شي يوضح من التصوير

بعض الصور مب وايد بس حبيت احسن صورة الفندق في عيونكم ههههه

تصوير التلفون السموحة منكم..

بالترتيب اول يوم العصر الخميس سرنا العين مول تغدينا وصلينا .. لفينا سريع وظهرنا نحوط بالسياره .. دخلنا واحة العين ههه كشخة احب التراث .. وهذي صورها

لوبي الفندق حلو الصراحة بس هذا جزء منه

وهذي صورة غرفة النوم في الفندق ( متعايزة احط كل صور الغرفة بس كان حجمها زين مب كبيرة ولا صغيرة)

المنظر المطل من الغرفة في الليل فضيييع

النهار

عقب ما حطينا اغراضنا في الفندق نزلنا نحوط في مبزرة كانت كشخة نزلنا ومشينا شوي وربشة الناس وهذي صورة وحدة

واحنا مروحين ثاني يوم

بصراحة كانت الرحلة حلوة والفندق والجو رهيب وبررررررد درجة الحرارة فوق 16 وشاي الكرك الي في الكفتيريا شي ههههههه الصراحه العيال سبحان الله مخربين ويانا والا من دونا ههههه بس ويانا ابرك ما احاتي ولا افكر مارقدت نفس الناس

وسلامتكم

تدريين دووم يستوي جي ف اليهال يتولهون عليييج ويمرضون وصياااح وحنه ورنه الله يعيينج بس

بيكبرون ان شاء الله وتنسيين

ماشااء الله رووعه تقريرج ويالييتج حطييتي صوور اكثر

والله يهنيييج يارب

اكيد كل شي فيها حلو

يكفي الجو بس

يحليلج ما اتهنيتي بالطلعه تحاتي لعيال

يالله كل شي خيره ..

شان قربتي صوبنه بنقهويج ..توصلين العين وله نقدم لج كرم الضيافه ههههه

ربي يسعدج الغلا

وربي يشفي عيالج طهور ان شاء الله

اليايات اكثر ان شاء الله

والله كان ودي اصور اكثر بس كل حواطتنا ليل ولا صورة ضبطت وفي الفندق كل ما اصور ريلي يعطيني نظره هههههههههه فشلتينا اونه شو تصورين اللوبي والكراسي وماعرف شو ههههههه

بس حبيت اعدل سمعة الفندق وحليله