شحالكن خواتي؟؟؟
ان شاء الله بخير
اليوم بغيت انقللكم تقرير عن رحلتي إلي ماليزيا
كانت في شهر 11
2024
فترة شهر العسل 
كانت رحلتنا من مطار بوظبي على طيران الاتحاد
رحلتنا في الطياره ما كان عليها اي كلام
الصراحه وااايد المعامله كانت اوكي
كنا في ال first class (diamond)
مدة الرحله من بوظبي لين كوالالمبور 7 ساعات
وصلنا كوالالمبور و كان حجزنا في فندق
Mandarin Oriental Hotel
هذي صوره لل Lobby
وهذي صورة الغرفه
(سمحولي صورة الغرفه و الحمام من النت لأني استحيت اصور جدام ريلي … توني عروس)
و هذا الحمام عزكن الله
هذي صوره للبرجين يوم نزلنا نتمشى
وهذي صورة البحيره و النوافير اللي عند الفندق… حلو الواحد يتمشى عندهن
اليوم الثاني رحنا الفليل البرج اللي فيه مطعم… نسيت اسمه
اللي في كوالالمبور و هذي صوره من البرج من فوق
الصراحه ما صورت واايد في كوالالمبور .. قعدنا فيها ليلتين
و بعدين طلعنا في طياره داخلية إلى لنكااااااااوي…..
أحلى أيام حياتي كانت في لنكاوي
يتبع يتبع يتبع >>>>>>>>>>
مدة الرحله كانت ساعتين على ما اظن ..
كان حجزنا في لنكاوي في فندق الشيراتون…كنا حاجزين شاليه على البحر
كان روووووووووووعه
هذي صور الشاليه
في هالصوره تشوفون الشاليه من برا كيف…
اربع شاليهات عدال بعض .. ثنين مجدمات جدام و ثنين ورا
احنا كنا في اللي جدام
يتبع يتبع يتبع >>>>>>>
ما كان الجو الحار ولا بارد عادي .. حلو حق القعده برا….
الحلو ان المكان ما كان فيه عرب
هذي صور صورته من الشاليه
ان شاء الله تعجبكم…
الصراحه الطبيعه هناك واايد حلوه
بعدني ما خلصت التقرير بس ان شاء الله اليوم بكمله
و برويكم صور احلى في لنكاوي و الأماكن اللي رحتها
نتريا الباقي ^^
ويعطيج الف عافيه ….
و اصلا ماليزيا كلها ع بعضها اتجنن ^_^