شخباركم خواتي ..
ياريت اللي بتقرى كلامي تفيدني لو عندهاااا فكرة انا حامل في البجر واحين انا في ثاني اسبوع من الشهر الخامس دوم في مراجعاتي يقولولي المشيمة نازلة بس احتمال ترتفع لين البارحه كان عندي موعد والدكتورة قالتلي المشيمه وايد نازلة بس 3سم وتوصل عنق الرحم معناته توقعي نزيف في اي وقت !!؟؟ وايد انصدمت انا من زمان اتريا هالحمل واخر شيء جي يستوي بي وايد ضايجه وقالتلي لو تحملتي لين السابع ممكن نولدج في وحده منكم ولدت في السابع ؟ وكيف كان البيبي ؟ بخير ؟ بشو تنصحوني في دكتورة معينه اروحلها ؟؟ ونيف وضعية الرقاد الصحيحه انا كله ارقد على ينب ماقدر ع ظهري احس بضغط وبعد للحين ماحسيت بحركة البيبي بس دامه بخير عادي .. بس خاطري اعرف في مجال ترتفع المشيمه ولا خلاص مثل ماقالت الدكتورة بعد الخامس تثبت ياريت اي وحده عندها معلومه ماتبخل علي ودعواتكم
وتوليدين ولادة طبيعية …
بخصوص الحمل البجر خصوصاً في الأشهر الوسطانية دايماً وغالباً يكون الحمل نازل ..
حاولي دايماً ما تتحركين وايد .. ولا تركبين درج ..
وع طول ارفعي ريولج على فوق .. واستمري على الرقية والاستغفار ..
وربي كريم وبيكرمج ان شاء الله … 
بخصوص الولادة في الـ 7 إذا اضطريتي أكيد في شي اسمه ابره تاخينها عشان تحمي رئة الجنين
لو صار لا سمح الله ولادة مبكرة …
أسأل الله العظيم رب العرش العظيم أن يشفيكِ…
الله ييسر أمورج ويتملج على خير ياحي ياقيوم
اللي عليج اتسوينه انج اتمين طايحة وترفعين ريولج.. يعني سانديها على الشبرية..
خليها دوم مرفوعه..
والله يثبت لج حملج ان شا الله..
انى ربيت بولدي البجر في السآبع .. وخلوه في الحضآنه لين زآيد وزنه يعني جييه 23 يوم تم عندهم ..
والحين الحمدالله ريآل 11 سنه ^^
الله يطمنج ..
اكثري من الاستغفار
وتوكلي على الله