ولانها اول مره لنا في الفجيره اخترنا فندق ( نور ارجانا – روتانا )….
تفاصيل الحجز …
تم الحجز عن طريق موقع …. Booking .com
نوع الغرفة … جناح من غرفة نوم واحدة
ليلتين بسعر 1100… على العرض
تقييمي للمكان هو جميل جدا وهادي …
الاستقبال كان رائع بس زحمه الويكند والاجازه اخرتنا حبتين …
الغرف نظيفه وفيها كل اللى تحتاجينه مع مطبخ صغير ينفع للطبخ الخفيف فيه فرن كهربائى وغلايه ماي ومغسله ..
الغرفه اللى خذناها ينفع تاخذين وياها غرفه ثانيه لو كنتوا عائلة كبيره وتفتحون الباب وتستوي كانها شقه بصاله .. والصاله فيها حمام خاااص ..
هذا الحمام الخاص بالصاله وانتوا بكرامه
وهذا حمام الغرفه فيه شور بس مافيه بانيو
الاثاث حلو ورايق .. السرير جدا مريح .. القنوات التلفزيونيه رائعه … الانترنت كان مجاني … ماخذنا اكل من عندهم ابد ولا نزلنا البوفيه … ممكن تسالينهم انهم يشيلون محتويات الميني بار لان فيها مشروبات روحانيه (ع قولتهم)…
صحيح الفندق فيه مسبح متوسط نسبيا فوق السطح .. ما يناسب الا لايام الصيف
من مطاعم …
المشوار
قيصر
الطربوش
شهرزاد
الملاح
المولات
اللولو مول
وسيتي سنتر الفجيره
وكورنيش الفجيره يجنن فيه وايد فعاليات
كل اللى عليج تشيلين فراش وسله الشاي والحلو وتيلسين على البحر …
وممكن تدخلون الين خورفكان بالسياره نص ساعه وتيلسون بين الجبال المنظر يجنن …
ومن اهم فعاليات الفجيره اظن كل خميس وجمعه من العصر الين قبل المغرب بدقااايق
مصاااارعه الثيرااااان
هاااي الرياضه لها متعصبين ومشجعين من مختلف الاعمار والاجناس في الفجيره …
حبيت الاجواء الحماسيه من قبل عياييزنا والشياب هناك…
والمعلق على المبااااراه تووووووحفه …
اللى يزور الفجيره لازم يزور هالمكان هو قريب من الكورنيش …
الله يسعدكم …
دايما تقارير الفجيرة ترد لي ذكريات حلوة 
الفندق باين عليه حلو ومرتب
عيبني انه حوض السباحة فوق مب على الأرض !
أكيد المناظر منه روعه !
كان ودي أشوف صور الجبال والوديان
لكن صور مناطحة الثيران كانت غير متوقعه 
أحس اني أخاف أحضرها 
لكن حلو الواحد يجرب شي يديد !
نتريا تقارير أكثر بنوتة …. تسلمين ! 
نظيف ورخيص