دكتور شااطر في ازالة الكيس للصحة

خواتي انا عندي كيس دم على المبيض اليسار وبغيت اسوي له عملية عند دكتور شااطر ومضمووون في هالعمليات
شو تنصحوني؟
ياريت يكون في ابوظبي او العين
جزاكن الله خير ورزقكن الذرية الصالحة

عزيزتي التكيسات ما تنشال .. بس يسوون لها عملية كي بالمنظار .. لأنها موجوده في المبيض نفسه
أما اذا كان فيج كيس .. فهذا ينشال

عني انا سويت عملية الكي في ان ام سي في بوظبي .. عند دكتورة ريكا شارما .. واهييه شاطره كلمة الحق تنقال ..
انتي روحي عندها واهييه بتشخص حالتج .. اذا كان وااايد التكيس كبير بتقولج يباله عمليه .. اما اذا كان متوسط يمكن بالأدويه يروح ..

الدكتور أيمن العقاد ممتاز .. ما أعرف أفضل دائمــاً الرجال في التنظير والجرحات ..
هو متخصص في الجراحة التنظيرية .. والعقم .. موجود في مستشفى المزروعي بأبوظبي
يوم السبت والثلاثاء .. أنا سويت عنده منظار لإزالة التكيسات من شهرين تقريباً

الغالية مشكورة على ردج
انا قصدت الكيس مب التكيسات
هالدكتورة ريكا تشل الكيس ؟ يعني شاطرة في الجراحة والمناظير؟

مشكووورة الغالية على ردج
ان شاء الله اروح له

لا شكر على واجب أختي العزيزة ..
وأي سؤال أنا حاضرة .. والدكتور جداً ممتاز .. وفاهم ..
وان شاء الله ربي يكتب لج على ايده الخير اللهم آمين .. ويشفيج ويرزقج من حيث تحتسبين ومن حيث لا تحتسبين