دكتورة جيوان ف مستشفى خليفة ف أم القيوين ،،،، لصحتك

مرحبا بنات ، حد منكم تعامل مع الدكتورة جيوان باكستانية الجنسية ، ف مستشفى خليفة ف أم القيوين ؟
أنا عطوني موعد عندها ف قسم النسا و الولادة ، اللي سبق و تعاملت وياها تخبرني عن اسلوبها و خبرتها و تعاملها مع المريضة .. أنتظر ردودكم

ان شاءالله يفيدوووووووونج

مشكورة اختي ، لكن محد رد عليّ !!

رحتلها مرتين لان مضطرة قالولي الاستشاريات مواعيدهم بعيدة و مبدئيا سويت مع جوان
مدري احسها عادية و اسلوبها عادي
ناوية اغيرها المرة الياية لان ماعرفت تفيدني بخصوص الاسبرين، قالت لي استمر عليه لين الأسبوع 36 ودكتورتي اللي قبلها بالخاص قالت لي اوقفه لمن ادخل الثامن، مدري حسيتها متعرف ومترددة اول شيء قالت لي كملي و اخر شيء قالت لي خلاص لاتاخذينه
تعرفون حد استشاريات هناك زينات؟
لان ناوية المرة الياية احجز عند استشارية بس مدري منو زينة هناك

اختي ، أنا سمعت من البنات ان عندهم دكتورة اسمها تانيا أجنبية استشارية. و يمدحونها ، كنت حاجزة عندها لكن التوقيت ما ناسبني فغيرته ليوم ثاني عند جيوان الباكستانية. .. انزين ما عندهم دكتورة زينة غير تانيا ؟ ؟ ،،
بنات. اللي جربت عند دكتورةة نسائية و ارتاحت عندها تخبرنا باسمها

ميزانة يزاج الله خير افدتيني لان مول ماعرف شي عن الدكاترة هناك
ياليت باقي البنات يفيدونا ويردون علينا خاصة

انا من راك ، لكن تعرفين المستشفيات اللي عندنا من روعة و شطارة الدكاترة و الأجهزة الحديثة المتطورة اللي يستخدمونها ، نخاف ندخلها ،،!
يا بنت الحلال أحيد قبل ما أجهض تميت أنزف ، سرت مستشفى صقر على اساس ينقذون اللي ف بطني او عالأقل يجوفولي صرفة ، خلوني أنزف من الصبح لين المغرب لين طاح الجنين ، و جريب المغرب يتني الدكتورة اللي مادري من وين يايبينها تكلمني من طرف لسانها و تنازعني ليش كل شوي أزقرهم !!! و حطتلي الجهاز اللي أيام أم أمي منتهية صلاحيته و مول مب واضح اي شي منه !! يعني بس خسارة كهرب انهم شغلوه ،،!
يعني لو امارتي فيها مستشفيات عدلة انا بفكر اسير مني مناك ؟ بالعكس اريحلي اربي ف امارتي و اهلي كلهم عندي ، لكن