صباااحكم طاااااعه واستغفااار ان شاء الله
اشحااالكم عساكم بخير ونعمه
في موضوع يتكلم عن اول هدية ريلج قدمها لج واول هدية انتي قدمتيها له مادري حق منو من العضوات لكن يعطيها العافية
كتبت فيه اني سويت حق ريلي دفتر ووايد بنات طرشولي رسايل خاصه يقولون عيبتهم الفكرة ويبون يعرفون كيف سويته والسموحه لاني ما رديت ع الكل بس قلت بحط موضوع عشان الكل يستفيد واوفر التعب ^_^>> فدااكم هههه
انزين ملجت شهر 8 ويوم ميلاد ريلي شهر 12 في من شهر 8 لين 12 استوت واايد مواقف بيني وبين ريلي يعني كانت فترة كل واحد منا يكتشف الثاني >> في البداية ما قدرت اتقبله لانه عصبي واايد وما يتفاهم واذا قال كلمة ما يبا يسمع اعتراض او حجه فكنت احس عمري مظلومة شوي والحمدلله
انزين يوم قرب يوم ميلاده فكرت اقوله كل اللي في خاطري واني كيف اباه يكون وياي واكمله بالزين وافهمه ان الحياة الزوجيه مب كلها عصبية واوامر وان مب كل شي بالغصب وان الريال المتزوج لازم يتفهم وحرمته ووو الخ
انزين يت ف بالي فكرة الدفتر اني اكتب كل اللي ف خاطري ف هالدفتر وباسلوب حلو وكلام حلو وف يوم حلو عشان يتقبل الكلام
اول شي سويته خذيت صورة فنيه هو عطاني اياها ووديته عند واحد مواطن صاحب مكتبة كبيرة وماشاء الله عليه هو روحه مبدع عطيته الصورة وخبرته الفكرة وفهمني
الادوات :
ورق مقوى
اوراق كمبيوتر مسطرة اولا حسب الرغبه
مقص
خرامة
شريطة حلوة
الطريقة :
اول شي صممي تصميم ع الكمبيوتر اكتبي بيت شعر او اي جملة حلوة و عطي راعي المكتبة التصميم وقوليله انج تبينه يكون ع الغلاف من ورى
انزين اطبعي الصورة ع الورق المقوى بالعرض طبعاا وبعدين اجسفي الورقه بحيث اتكون الصورة هي واجهة البطاقة وبيت الشعر او الجملة للبطاقة من ورى >>> وبعدين يحسن انج تسوين تغليف حراري عشان ما تخترب الوارق اذا سكرتي الدفتر او فتحتيه بس لو ما تسوين احلى
2 هاتي اوراق كمبيوتر مسطرة واطبعيهم وبعدين قصي الاوراق ع قيااس الغلاف ( البطاقة )
3 خرمي الغلاف ( البطاقة ) وخرمي الاوراق وانتبهي لازم مكان خرمة الغلاف اتكون نفس مكان خرمة الاوراق ويكونون خرمتين تحت بعض بس خرمتين بيكون دفتر صغير احلى
4 هاتي الشريطه وقصيها قطعتين نفس الطول
5 دخلي الشريطه ف الخرمه بحيث انج تدمجين الغلاف مع الاوراق اللي داخل وعقب ابطيهم على شكل فيونكه ولو عندج فيونكه جاهزة لصقيها ع الفيونكة اللي ربطتيها عشان يثبت
وبعدين اكتبي ف الدفتر اي شي تبينه واهديه اياه
واحلى شي اني يوم كتبت له الكلام اللي ف خاطري رد علي ف نفس الدفتر وعطاني وانا رديت عليه وعطيته وكلما يستوي شي خاطره يقوله لي شي خااص طبعا يكتبه في الدفتر ويعطيني اياه
الدفتر بيتم ذكرى وبنتذكر على شو كنا نختلف وشو اللي يضايق الثاني وطبعن هالدفتر كان جزء من الهدية ويفضل مع الدفتر اتكون باقة ورد
اتمنى اني عطيتكم فكرة حلوة وبالتوفيق للجميع وعسى ربي يوفق كل وحده ويا ريلها ويسخرهم لبعض
ويرزق كل بنت الزوج الصالح
وسواااالم ^_^
رووووعة الفكرة
والله يسعدكم يارب
ربي يسعـِدكم إن شـِآء الله
وتٍسـِلمين ع المًـشآآركة الطيبه ^_^
وايد حلوه الفكره
الله يوفقج حبيبتــي ~