شحالكم حبايب قلبي عساكم بخير..
اليوم طبعا حبيت أعطيكم درس من نوع ثاني ، و هو طريقة رسم الكحل الفرنسي ، اللي اشتهرت فيه الأجنبيات و الفرنسيات و انتقل للعرب حتى لاحظو المسلسلات المصرية القديمة بتشوفون شلون كانو يرسمون عيونهم و اشتهر أكثر شي أيام الستينات و السبعينات ، و ايفضله الكثير من خبراء التجميل ..
و من البنات لأنه يعطي نظرة و شكل جااااذبي جداً للعين ..
و اللي فاته الدرس الأول هذا هو الرابـــط حبيت أحطة لكــم
اضغطي هنــا..
الدرس الأول طريقة رسم العين بالكحل من الأسفل
يالله مع بعض انوفر الأدوات المطلوبة :
water fresh من ايفيان منعش للبشرة ^_^ أحطه في الثلاجه و عقب أرشه بويهي لما أكون زعلانه لما أكون يايه و حرانه قبل لا أحطه للمكياج ، لما فخاطري ألعب أتم أرش رش منه مرات بس جي لعبان بس حلو بصراحه.. منعش ههههههه..
اسفنج لتوزيع كريم الاساس ، استخدمي أي كريم أساس سائل أو كريمي خفيف يناسب بشرتج وفوقه وزعت عليه بودرة كانبو المضغوطة أحسها مخمليه و حلوة..و فوقها اللوس بودر من مكب فور ايفر..
ووزعي الكونسيلر الاستيك من كرولاين و نسيت اصوره موجودة صورته في الدرس الاول ..
اللوس بودر من مكب فور ايفر بلمعه ^_^ ..وايد يعيبني ..
اللآي شدو من مكب فور ايفر ، صورت لكم الألوان اللي استخدمتها في هاللوك البنفسجي و الوردي اللي يمه و اللون الأبيض و شوية فوشيا..
مسكرة من ايف سان لوران .. اذا بغيتي رموش كثيفه حطي منها كذا طبقه
كحل لداخل العين تركواز من برجوا ..
كحل لداخل العين ، اللون أسود من سمايلنج ..
كيك الحواجب من كرولاين يستخدم مع الماي ..
فرشة التوزيع من ماك تعيبني الصراحه وايد أوكي تلقط الشدو ، أحب أستخدمها وايد و رقمها 239..
فرشة من انجلوت ، لتوزيع الآي شدو تحت العين ..دقيقه و ناعمة..
بلشر وردي من نارس ..
محدد من سمايلنج بنفسجي ,, اذا حبيتيه يبرز مرري عليه الولاعه شوي ..
روج من انجلوت اللون البنــك .. حلو و طعمه حلو لوووول ^_^
جلوس من شانيل اللون البيبي بنك وااايد حلوو روووعه بالاستخدام..
و عسب أبين التفاصيل الدقيقة للشدو بشكل طبيعي أكثر مب ضبابي اللي يكون اتوماتيك من الكاميرا أثناء التصوير استخدمت خاصية Filter و عقب sharpen ..
خطوات الدرس لرسمة الكحل الفرنسيه :
(1)
هذا شكل العين من بعد الفاونديشن و توزيع الاستيك كونسيلر ..
(2)
انوزع الشدو الأبيض تحت الحاجب و على الجفن الثابت..
(3)
بنصف الشدو الثابت انوزع الشدو الوردي ، و على مقدمة العين انوزع الشدو الفوشي شوي..
(4)
اهني انوزع الشدو البنفسجي عالجفن المتحرك و شويه منه عالزاوية الخارجيه للعين و بفرشة أسفل العين من انجلوت انمرر من اسفل الرموش باللون البنفسجي ، هاللون مميز وايد بصراحه وايد حلو عالمكياج ..
(5)
انوزع الكحل لداخل العين اللون الأسود و فوقه اللون التركواز انركز أكثر بدمعة العين..
(6)
نبتدي انحط الآي لاينر من لانكون من مدمع العين خط ضعيف و يكبر شوي بالنص لنهاية العين..نفس الصورة..
(7)
نرسم نهاية العين بالايلاينر شكل مثلث مائل يبتدي من نهاية العين لبرى الجفن المتحرك و على فوق مثل الزاوية الحادة لتحت مائله شوي بنفس هالطريقة..
و انحط المسكرة ..
(8)
هذي شكل العين و هي مفتوحه .. اتبين أكثر جذي.. طبعا مانخليه جذي .. انرد انكحل العين وانمرر الكحل فوق الكحل الأولي مرة ثانية عسب يضبط الكحل اكثر و شوفي لو حبيتي اتعرضين المثلث عرضي ولو حبيتي يكون ضعيف خليه ..و طبعا لان عيوني واسعة شوي فأحلى عليها المثلث أعرض.. و لو كان شكل العيون مسحوبه احلى عليه الأضعف..
و هذا شكل العين بصور مختلفه..^_^..قولوا ماشاء الله ..
و لا ننسى نرسم الحواجب و عقب انحط البلاشر و انحدد الشفايف و انحط على التحديد الروج من انجلوت و فوقه الجلوس من شانيل و يطلع اللون فنااان..
اتمنى اللوك يعيبكم .. و لاتنسون تعطوني آراءكم..
ميعاد الحمادي..
وايد عيبني الدمج والالوان خبال
الى الامام