دراسة اللغة الإنجليزية للأبناء في بريطانيا التدريس الاماراتي

مساء الخير ,,,,,,,,,,
عزيزاتي بغيت أسألكم عن الدراسة في بريطانيا لعيالي أعمارهم 13 و 14 و بنتي 10 سنوات
انا ناوية أسافر في الصيف لبريطانيا وبالمرة أدرس عيالي
فياليت البنات إلي عندهم خبره تخبرنا عن أفضل المدن للدراسة وأيظا المعاهد وياليت ما يكون فيها عرب وايد
حاطة في بالي أسكن جنب المعهد وعيالي يداومون من قريب

سألت ريلي لأنه كان طالب في بريطانيا وبداية دراسته درس اللغة الإنجليزية في معهد للغة الإنجليزية في جنوب المملكة المتحدة ( بريطانيا ) ويفكر يطرش عيالي هناك لأنه في الفترة اللي كان فيها هناك يو يهال هناك حسب يتعلمون الإنجليزية ويقول إنه والشباب اللي كانوا في هذا المعهد اتفوقوا على ربعهم في المعاهد الثانية في مادة اللغة الإنجليزية … اسم المعهد ( Devon school of English ) والمنطقة إسمها ( بينتون ) هي مش مدينة ولا قرية سوان ما بين الإثنين بس المنطقة ساحلية وحلوة والمناطق الجريبة منها مثل ( إكستر ) و ( توركيه ) و ( بليموث ) وهي بعيدة عن لندن بالباص ما يقارب الأربع ساعات

تسلمين يا عيني
تعتقدين بنحصل فيها سكن مثل شقق مفروشة أو فلة صغيرة وهل التسجيل في المعهد عن طريق النت وا من هناك

الأفضل إنج اتراسلينهم وتسألينهم عن كل شي إنتي تبينه ، هم بيرتبون لكم كل شيء بس ريلي يقول عن طريقهم بيكون السكن غالي أما بالنسبة للعيال فيقول الأفضل اتخلينهم مع الهوست فميلي ( عائلة إنجليزية ) واللي المعهد يتعاقد معاهم … بالنسبة لكم ففيي هناك أكيد بيوت للإيجار بس المعهد يمكن يسأل لكم في مكاتب العقارات .. حاولي تبحثين عن طريق النت عن البيت .. فيما يخص التسجيل في المعهد يفضل النت علشان كل شي يكون جاهز بس في إمكانية هناك ولكن ما تعرفين هناك هل بيكون الكورس في نفس الوقت ولا لا فالأفضل إنج تستفسرين عن الكورسات في موقعهم ( https://www.devonschool.co.uk/info.php )

الله يوفقج

أحسن منطقة في بريطانيا لدراسة اللغة الإنجليزية نوتنج هام

فيها معاهد وااااااايد

مثل معهد سيلي ومعهد آي لس

لللللرفع … في مكاتب خدمات التعلييم ..

تروحين لهم و هم يرتبون لج كل شي …

بس ما اعرف اساامييهم الصرااحه .. بس احيد وحده من البناات سارت ع هاالمكااتب ..