تخطى إلى المحتوى
الرئيسية » دجاج بالقشطه المطبخ الاماراتي

دجاج بالقشطه المطبخ الاماراتي

السلام عليكم ورحمة الله وبركاته

خواتي ,,

اليوم يايبتلكم طريقه دياي نحن معتمدينها في البيت ,, ممكن تتاكل سندويجات
وممكن ويا العيش ,, الأكله فيها سوالف وايد بس لأنها تأليف سميتها دياي بالقشطه ,,
ان شاء الله تعيبكم ,,

الطريقه ويا المقادير:

أول شي نيب صحن صدور دياي ونقطعه اصابع ونتبلهم بليمون وملح وفص ثوم وملعقه
ماسترد وبعدين بالخلطه مالهم نحطهم على النار مثل الصوره لين ينشف الماي ويستوي الدياي

نضيف للدياي البصل والمشروم (الكميه حسب الرغبه)

نكون قالين من قبل مكعبات بطاط نضيفهم مع كزبره وبقدونس

هنيه ضفت البهارات ومب وايد علشان الأكله فيها سوس حطيت ملح وفلفل احمر وكمون

وهنه الخلطه استوت وهذا شكلها

خلطه القشطه عباره عن علبه قشطه وحده وملعقتين مايونيز+ملعقتين ماسترد +
تتبيله السلطه مال الريحان نص الباكيت ,, اذا حبيتي السوس زياده ضاعفي الكميه

نحط الخلطه في بايركس

نضيف عليها السوس مع رشه تباسكو للي يحبون الأكل السبايسي مثلنا وندخلها الفرن تتحمر

وهنه الدياي جاهز

سويت وياه عيش بالشعيريه لان ريلي مايعترف بالخبز هههه ,, اول شي نقلي الشعيريه
بروحها ونضيف لها حبتين هال ومكعب ماجي

ضفنا العيش

وهذا شكله يوم استوى

للأسف ماقدرت اصورلكم طريقه التقديم لان ريلي كان مستعيل على الغدا

اتمنى ان الاكله تعيبكم وبالعافيه مقدما لكل وحده بتجربها

روعة ماشاءالله

الله يعطيج العافيه

يم يم باااااااين عليه لذيذ
تسلم ايدج ع الاكله الغاويه

تســـلم يمناج ختيه حروف
بس ما عليج امر (تتبيله السلطه مال الريحان )<<شو هذا اذا ممكن توضحيلي ^^

شكلها لذيذه
تسلم ايدج

تسلمين حبوبه

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم خدمة أكيسميت للتقليل من البريد المزعجة. اعرف المزيد عن كيفية التعامل مع بيانات التعليقات الخاصة بك processed.