شحالكن خواتيه ؟
محد كثري شاف محلات عبايا وسرت عند مصممات وجيه
من كثر ما راسي متروس افكار وقصات قلت خلني ارسم واشتري الاغراض
صممت 4 عبايا ..كلمه رهيبه والله العظيم شويه عليهن
قصات غريبه وتفننت في الشغل ..حتى في السوق يوقفني الحرمات ويسالني عنهن
هالعبايا خيطتهن عند خياط عادي توه فاتح في منطقتنا
المشكله والمصيبه انه هالخياط سوا هالعبايا للمنطقه كلها !
فحرمت خلاص اسير عنده ..وكرهت العبايا بالقوو
فياليت تخبرني بخياط عبايا لو عباياه هب شي .. ( بس يضبط القياس)
عشان اودي تصاميمي عنده .. واللي تبا تسويهن حلال عليها
اتمنى تفيدني الغاليات .. لاني استويت ما احصل عبايا ترضي خاطري هالايام
حرام عليج خافي ربج
هالكشخه بس عند ريلج ولا مجتمع نسائي مغلق
اتمنى انج ماتزعلين مني
والا الوانها ما تتلاحظ .. اللي ميزهن قصاتهن الغريبه بس
يستوي خير لين ما اعرس بعدني بنوته عمري 19 p:
بس مخي اكبر عن عمري الله كريم لوولز
وتسلمين ع المشاركه .. يزاج الله خير ^^
انا أعرف وااااااااااحد خطير من الشارجة .. والله العظيم تصاميمه تهبل ومب مكررات .. وشغله نظيف
لي عودة ان شاء الله .. بفتش في الفواتير وبعطيج الرقم
بس ابا حد يضبط هالمشكله -.-!
واتريا الرقم
لان اعتمادنا الكلي صار على العبي ولازم نغير باستمرار
لكن الله يهديهم الاسعار نار والحياة كلها غالية والله المستعان ..
لو في عناوين او ارقام لاتقصرون ياخواتي ونحن في الانتظار ..
اشك اني بفتحلي محل اخرتها p: