شخباركم خواتي
الموضوع ومافيه ان قبل كمن يوم سرت اجيك عالبيبي
كان الوزن تمام 9000 غرام وكل شي اوكي
بس وضعيته كانت خطره كان نازل لتحت وضاغط على عنق الرحم
الدكتورة حذرتني وقالت اذا من الحركه والتعب ممكن تربين لان عنق الرحم يفتح ويستوي طلق عندي
وانا عندي توام صغاار اعمارهم 10 شهور يعني يبون اشلهم ويدلعون ويصيحون طول الوقت
ريلي واهلي مب مقصرين ريلي اخذ اجازه من الدوام اسبوع واهلي مب مقصرين بعد بس اليهال
متعلقين فيني ….
مب عارفه شوو اسوي خايفه على اللي فبطني ونفسيتي زفففففت خايفه افقده لا سمح الله
عندي موعد بعد كمن يوم نشوف وضعية البيبي ونقيس طول عنق الرحم وبقوللها تعطيني ابرة الرئه ..
نفس معاناتي فحمل التوام استوت معاي الحين خوف من الولاده المبكره ومعاناة مالها اول ولا أخر
طمنوني خواتي منو استوالها هالشي وكملت للتاسع؟
غير الله يسهل عليج ان شاء الله
وتربين بالسلامه
أنا من الشهر الخامس قالولي ولاده مبكره والياهل نازل وعنق الرحم قصير .. وقالولي لاتتحركين وأعطوني أبار تثبيت لين نص الثامن .. مع سلسله من المحظورات والأخطار وتعرفين الدكاتره ورمستهم
سبحان الله لين اليوم وأنا ألحين في نص التاسع ولين ألحين ما ربيت والياهل بخير وسهاله وحركته عاديه ولله الحمد .
والمصيبه أن الكورنيش يوم دخلت التاسع قالولي بنولدج قصيري خوفاً على الياهل من أي أخطار يتعرض لها لان حملي على قولتهم عزيز .. وعطيتهم الأذن الصمخى ذبحوني من الخامس بيطيح بيطيح وزن الياهل أصغير .. ومن دخلت التاسع لبستهم لبس ومتى الله بيناديبه بيي .. والله لو ما كان أيماني وأيمان ريلي بالله قوي جان أستغفر الله ما أدري شو بسوي بعمري من الكلام إلي ياني من الدكاتره كل مراجعه كلام ماله أول من تالي .. وكل ما يقوللي شي أقولهن ألي عطانياه بعد هالفتره قادر يحفظه ولي الله كاتبنه إليه أنا راضيه فيه .
توكلي على الله خربطانهن وايد .. وأيمانا بالله هب برمستهن .
ربيعتي تقولي يمكن الرحم نازل انتو حسيتو نفس الشي ؟؟