خواتي كيف تكون ترتيبات حفلة الخطوبة ؟! .." الخطوبة مب الملجة "

شحالكن خواتي ؟

اليوم عندي استفسار و ان شاء الله تساعدوني ..

وحده من رباعتي فديتها انخطبت الله يوفقها و يتمملها على خير و عقبال كل البنات وانا وياهم ^_^

بس بسبب دراستها و ظروف خطيبها لأنه يبني بيت المستقبل بتكون الملجة بعد سنة ان شاء الله و العرس عقب الملجة بـ شهرين

الحين هي ما تدري محتارة تسوي حفلة خطوبة صغيرة بين الاهل بما انه باقي واايد عن الملجة ؟! ولا تكتفي بالخطوبة الرسمية بين الرياييل ؟

نحن في سلومنا ما عندنا حفلة خطوبة و ما سويناها ولا مره لان الملجة تكون عقب الخطوبة بـ اسبوعين ولا شهر بالكثير يعني لين ما يتفقون الطرفين و بعدين يملجون و ثاني يوم تكون حفلة الملجة .. عشان جيه ما قدرت افيدها

و بعد تبغي تعرف اذا بتسوي حفلة الخطوبة تكون كبيرة ولا على الضيق يعني ؟ و شو تلبس ؟ و كيف الترتيبات ؟ و طبعاً ما بيدخل خطيبها لأن بعدهم مب كاتبين كتابهم و مب محرم عليها .

انا بعد قلتلها ما يحتاي و نحن ما نسوي حفلة خطوبة بس قالتلي خطيبها يبغي الحفلة عشان إشهار الخطوبة على اساس الناس يعرفون انها محجوزه له يعني !

تسلمين فديتج على الاقتراحات الحلوة

مشكوورة فديتج على المساعدة و ما تقصرين