خواتي المالجات والمعرسات ،، متى رمستي ريلج بعد ملجه ،، بلييييز ساعدنيــ

السلامــ عليكمـــ خواتيـــــ

عساكنــ بخيرــــ

خواتي قولوليـــ مبروكـــ ملجتــ يوم الجمعهــــ قولووو ما شاء الله،، وعقبال العزابيهــ كلهنــ ياربيـــ

فديتكن خواتيـــ الحين بكمل 3 ايام من ملجتـــ،، وبو الشباب لا اتصل ولا طرش مسج

احس خواتي وايد خايفه ومتحرقصه انزين ليش ما يتصل؟؟ مع انه عنده اجازه وفاظي يالس فالبيت

خواتي وايد احاتيــ اخاف اني ما عجبته او شي ،، مع انه الكل تخبل عليه يوم شافنيـــ

واحيانا اقول يمكن الريال يستحيـــ ،، بس معقوله الريييايل يستحووووون،، خواتي ايدي عقلبي وايد خايفه واحاتيــــ

تحسون هالشي طبيعي انه يتأخر فالاتصالــ؟؟

فديتكن خواتي اللي تدخل تطمن قلبيـــ؟؟ خاطري اعرف شو رايه فينيـــ ،،، يوم سالت اخته قالتلي ما طاع يخبرنا اونهــ عيب لا تسالون خخ

حرام عليه ،، والله اتحرقصــــ عالاقل اتصالــ مسجــ شيــ ،، لاوهو يعرف اني بسير الحج بعد كمن يومــ

واييييييييييييييييد مقهووووره خواتيـــ ،، دخيلكنــــ شورن عليهـــ وطمنني

يعلها السعاده والوناااااااااااااااسه ياربـــ من ترد عليه وربي يحققلها كل اللي فبالهاااااااااااااا

وإن شاء الله ما انساها بدعواتيـــ في الحجــ بإذن الله

حرامـــ 6 زياراتــــ ،، وماشي ولا رد،، الصراحه حز فخاطريــــ

ماعندي فكرة الصراحه
بس اللي اعرفه ان الريال المفروض يتصل ع طوووووووول
بس ان شاءالله يتصل بج وترتااااحين ويتم يتمدح فيج لين تطفرين
والله يوفقج ان شاءالله

راسليني على الخاص

وعليكم السلام والرحمه

مبرووووك اختي

ترى في رياييل مب مستعيلين وجي احسن او يمكن يتحرا انه انتوا ماتكلمون رياييلكم في المجله
انتي طرشيله مسج دعاء او اي مسج عادي

وبالتوفيق

ممكن يكون خايف من أهلك يمنعوه من الاتصال فيك لاتخافين أكيد هو بايستأزذ من أبوك أو اخوك وبايتصل أو أنه بايكلم أخته تتصل وتسأل عنك إذا انت مسافره للحج أكيد بايخلي أخته تتصل فيك أو أنه هو بايتصل عليك بس أهم شئ خليك رزينه