شو الاحوال؟ شو الاجازة وياكم؟
اشوف مواضيع عن الجامعات والاكثرية حق المستجدات يسألون
في هالموضوع حبيت انزل أسئلة للمستجدات >>وانا من بينهم<< ومن الممكن الكل ايجاوب وحتى اللي في الجامعة السنة 2 او 3 او حتى الاخيره واللي تخرجوا ايجاوبون الاسئلة وعاد ماعرف اذا الموضوع متكرر ولا لاء
شو شعورج وأنتي امخلصة الثانوية؟
شو شعورج وانتي بتبدين حياة يديدة ويكون كل شي يديد عليج؟
شو الشعور يوم قبلوج في الجامعةالكلية؟
افتكيتي من المريول المدرسة؟! وحبيتي اطلعين استايلج واتورين الكل؟
شو شعورج يوم بتروحين مكان ماتعرفين حد فيه؟ بتتأقلمين ع الطبيعة اللي انتي فيه ولا بتواجهين صعوبات من أولها؟
انتي اجتماعيه ولا تخجلين بسرعه؟
بتفتقدين ايام الدراسة والذكريات والمدرسات (يعني اي شي يخص المدرسة ومنها الرحلات)؟
هممممممم شو بعد
اعتقد هالاسئلة تكفي .gif "12 (55)")
وانشالله اشوف التفاعل
والسموحه
senior 2024
شو شعورج وأنتي امخلصة الثانوية؟
الشعور ماينوصف قلت خلاص مابرجع مرة الثانية والهم معاي … بفتقد الدراسة اللي كنت ادرسها وكيف كنت ببني مستقبلي وكيف بواجه العالم .. ببدا بحياة يديده ووجوه يديده وكل شي بيكون يديد علي حتى القوانين اللي اتعودت عليها في ايام الدراسة .. مع اني من زمان فترة طويلة في نفس المدرسة صعب علي اني اغير المكان وكل شي يوم تلاكت المدرسة
شو شعورج وانتي بتبدين حياة يديدة ويكون كل شي يديد عليج؟
شعور ماينوصف الا اذا داومت في اول يوم في الجامعه .. الحياة صح ماتتغير واايد … بس الشعور مايختلف … يوم اداوم اول يوم احس اني بملك الكون واصدق بعيوني اني فعلا في الجامعة مش في المدرسة
شو الشعور يوم قبلوج في الجامعةالكلية؟
تميت اقره المسج اكثر من خمس مرات علشان اصدق اني قبلوني في المكان كنت ابا اروحله وبلتقي في ناس من زمان ماشفتهم والتقي بربيعاتي اكثريتهم اللي بيروحون هناك .. مستانسة حيل
افتكيتي من المريول المدرسة؟! وحبيتي اطلعين استايلج واتورين الكل؟
وااايد افتكيت مرتاحه .. لاعت جبدي من كثر مالبسه .. واتمنين يوم من الايام ابون ويقولون حق شهر البسوا اللي تبونه .. في نفس المدرسة كل سنة البس مريول ودوم اقول متى ايي يوم انروح الجامعة ونلبس باللي نباه بس ابصراحه افتقده هالشي الوحيد اللي انا وربيعاتي للابد يكون لبسنا نفس الشي
واما عن اوري استايلي الكل اللي يعرفني يعرف كيف يكون استايلي … سمبل وناعم واما اني اوري الكل ع حسب المناسبات والمكان وماحب ابين للناس اني من محبين التكشيخ وايد
شو شعورج يوم بتروحين مكان ماتعرفين حد فيه؟ بتتأقلمين ع الطبيعة اللي انتي فيه ولا بتواجهين صعوبات من أولها؟
شعوري عادي الاني متعوده اروح معاهد واخذ كورسات واتعرف مب شي يديد علي .. طبعا بتأقلم ع الطبيعة اللي انا فيه الان الجامعه تقريبا بنات المدرسة فيها وبكون مرتاحه وانشالله مابواجه صعوبات ويكون عندي حل
انتي اجتماعيه ولا تخجلين بسرعه؟
اجتماعيه بس مب واايد اخذلي وقت لين ماعرف الشخص نفسه واعرف صفاته وشخصياته واسال عن الشخص وربيعانها … لا تقولون اني ابالغ واايد هذا طبعي من زمان ومايتغير
بتفتقدين ايام الدراسة والذكريات والمدرسات (يعني اي شي يخص المدرسة ومنها الرحلات)؟
هيه نعم افتقد كل زواية المدرسة … افتقد المدرسة بكبرها .. افتقد غرفتنا اللي تجمعنا انا وربيعاتي تحت سقف وايد وفيها ذكريات حلوه ومره وكنا انسوي كل شي ويا بعض وافتقد المعلمات وتعليقاتهم علينا ويوم يستهبلون علينا ونستهبل عليهم … وافتقد الدراسة والكتب وكل شي … والشعار المدرسة واسم المدرسة اللي مابلفظه مرة ثانة يوم ايقولولي انتي في اي مرحلة او في اي مدرسة .. افتقد الرحلات ويوم انا اسويلهم اكشن في كل رحلة وافتقد الباصات اللي اتودينا واللي اتيبنا .. افتقد يوم الحارس الامن ايي ويانا ويستر علينا ومايقول حق المدرسات شو كنا انسوي من الاستهبالات ودومه يغطي علينا .. افتقد كل شي ماعندي شي مافتقده
السموحه …
المشاركة الأصلية كتبت بواسطة شمعة الحيا 
مشكورة ع التعاون اختي
يعني مبادرة حلوه منج لو يكون شعورج في هالوقت
و الله حلووو الموضوع ,,
وينكم يا بنات الجآمعــة ؟؟؟
بعدني مارحت الجامعة بس أحس إن شعوري بيكون حلووو ^^
ونآســة ^^
نتريا حريم الجامعة 😛
المشاركة الأصلية كتبت بواسطة أتعبني غلاهـ و الله حلووو الموضوع ,,
وينكم يا بنات الجآمعــة ؟؟؟
بعدني مارحت الجامعة بس أحس إن شعوري بيكون حلووو ^^
ونآســة ^^
نتريا حريم الجامعة 😛
تقدرين انتي حتى اتجاوبين ع الاسئلة
وانشالله انشوف التفاعل في هالموضوع
وحابه الكل انشالله ايجاوب
ومشكوره ع مرورج الطيب ولا هنتيــ
والسموحه
مسسستجده ^_^
فرحااااااااااانة وزعلانة >.<
شو شعورج وانتي بتبدين حياة يديدة ويكون كل شي يديد عليج؟
اكيد فرحانة
شو الشعور يوم قبلوج في الجامعةالكلية؟
فرحانة بعد خخخخخخخخخخخخخ
افتكيتي من المريول المدرسة؟! وحبيتي اطلعين استايلج واتورين الكل؟
بالعكس المريووول احلى >>>> كل البنات نفس اللبس مب الجامعة عنكاش واللوان تعور العيوون >>مجربة في امتحان السيبا >>> حد يلبس اصفر في عز الحر شهر 5 خخخخ
شو شعورج يوم بتروحين مكان ماتعرفين حد فيه؟ بتتأقلمين ع الطبيعة اللي انتي فيه ولا بتواجهين صعوبات من أولها؟
اعرف وايد بنات >> بنت عمي وبنت خالي وربيعاتي اللي اكبر عني >> بس خايفة من الاجانب كيف يدرسوون
انتي اجتماعيه ولا تخجلين بسرعه؟
اجتماعية وخجولة هااع
بتفتقدين ايام الدراسة والذكريات والمدرسات (يعني اي شي يخص المدرسة ومنها الرحلات)؟
اكثر شي بفتقده >>> الطابووووووووووووووووووووور والتفتيش وابلة الجغرافيا فديتها
ثانكس ^^