خلطة للرموش كانت تبيعها والحين منها لكم هدية >>> لكل البنات الي سالني عنهااا :) للقضاء على السمنة

في بنات قالوا انها تحرقهم وفي بنات ماعرفوا يعبونها بغراش الماسكارا وفي بنات سئلوني شنو نوع الزيوت وغيره

الحين برجع اشرح الطريقة مرة ثانية بالتفصيل الممل علشان لايصير فيه لبس

اول شي المقادير اهيا :

(( المقادير كلها تقدرين تلقينها عند اي حواي تثقين فيه وسعرة مناسب ))

قفشتين وسط (ملعقتين وسط مو الحجم اللي ناكل فيه – لا اصغر شوي ) زيت الحبة السودا ( حبة البركة ) خاص بالشعر ويكون مخفف من انتاج مصنع كريدشان لاتستعملون اللي يكون مركز
قفشة وسط زيت خروع بريطاني مركز ( تلقينه بغرشة زجاج صغيرة شفافة وعليه لزقة لونها ازرق -المورد شركة بهبهاني-) عند الحواي
قفشة وسط عسل نحل طبييييييييييييييييييييييي عي واهم شي يكون طبيعي لانه بيكون خالي من السكر المصنع والمواد الحافظة وغيره

قفشة شاي من ( القفشة اللي نحوس فيها الشاي ):
نواة تمر محموصة ومطحونة ( نواة التمر معروفة من حديث الرسول عليه الصلاة والسلام بما معناه انها تحد البصر وتنبت الرمش ) وكذا وحدة مجربة هالطريقة
يعني تاخذين النواة وتغسلينها زين وتحطينها بالفرن لما تتحمص وتصير سودا سودا مثل الفحم مو شقرا ولا بنية فاتحة
سوووووودا فحمة محروقة
وبس تدقينها بايد الهاون او تحطينها بخلاط البهارات بتشوفينها تتفتت بسرعة
انا اسوي كمية كبيرة لما يصير عندي كمية مطحونة ومتى مابغيت اخذ منها قفشة شاي صغيرة
واللي تبي تستبدل النواة بالاثمد لو هي خايفة او شي مافي مانع

بس اهم شي يكون الاثمد طبيعي واصلي مو مغشوش ولا مخلوط برصاص
لان انا خذيته من كذا حواي وكله حرق عيني مالقيت اصلي للحين
فمستمرة على نواة التمر

الحين تخلطون هالمقادير كلها عدل مدل وبطاسة صغيرة وعقبها تحطونها بغرشة ولا علبة صغيرة ولو تقدرون تعبونها بغراش المسكرة زين على زين صج طريقتها تتعب وصعبة شوي بس اللي تقدر تسويها لاتقصر
بس يعني لاتتعطلون على شكل التخزين المهم الفايدة وطريقة الاستعمال

طريقة الاستعمال

مهمة مهمة مهمة

في بنات قالوا انها حرقت عيونهم
انا انا ياللي صاحبة الخلطة حرقت عيوني جم مرة

ليش؟؟

لاني غرقت عيوني بالزيت يعني حطيت وايد من هالماسكارا

طبعا انتي لما بتستخدمينها لازم تكون عندج فرشة ماسكارا نظيفة ومغسولة ماتبينها
او قطنة اذن اللي تكون مبوزة شوي من جدام
يا انج تغطين الفرشة بالزيت وتمسحينها وتتركين بس بقايا الزيت وتستعملينها على رموشج العلوية بس

او انج تغطين قطن الاذون بالزيت وتغمضين عيونج وتمسحين على رموشج العلوية من فوق وانتي مغمضة

يعني كمية بسيطة بسيطة جدا

لاتحطين وايد

ولا يكون ببالج كلما حطيتي امثر كلما حصلتي فايدة اكثر

غلط

كلما كانت الكمية اقل كلما تركزت على رموشج وتوزعت احسن لان لو حطيتي وايد بيسيح الزيت وبيدش عيونج وبالتالي بيحرقج

الخلطة تقدرين تحطينها اي وقت

لكن الافضل انه يكون بالليل
ليش؟؟
لان بالليل العين تكون مرتاحة ونايمة والمسامات متوسعة وبتستفيد من الزيت بصورة افضل
ولسبب ثاني انج ماتقومني وتقعدين ولا تفركين عيونج او شي فماراح يدش الزيت بعيونج

تحطينها بالليل وتغسلينها الصبح علشان ترتاح العين وتكررين الحركة بالليل مرة ثانية

وهكذا

اسبوع واحد من المواظبة والاستمرار بتشوفين فرق بالطول كبداية

ومع الاستمرار بتحسين ان في منابت رموش يديدة قاعدة تبين

هالخلطة تنفع للحواجب بعد

يعني اهيا مثل 2 في 1

للرموش والحواجب

انا ما استعملها لحواجبي لاني بروحي عيمية وحواجبي الله لايوريكم لوووووووووول

مو ناقصة

بس في بنات حواجبهم خفيفة ويحتاجونها

فيقدرون يستعملونها

اي استفسار انا حاضرة وياريت يكون بهالموضوع علشان الكل يستفيد لان الصراحة الاسئلة نفسها قاعدة تتكرر على الخاص فلو تسئلون بهالموضوع واجاوب عليكم علشان الكل يستفيد

وارجع واقول كل وحدة وبشرتها لها طريقة استيعاب للخلطة
يعني في بنات يبين معاهم بسرعة وفي بنات تطول النتيجة معاهم
لكن النتيجة وحدة مع الاستمراااااااااار