خلطة حلوة تنرش في الحمام ..الريحة منعشة اعمال يدوية

هذة الخطلة حلوة خلطتها للحمام يعني الخدامة تغسل الحمام الصبح وطبعا عيال اخوي ايون من المدرسة ويوصخون الحمام من الاستخدام

ومن ريولهم يلعبون حفاي ما يخلون رمل إلا دخلوة الحمام
المهم سويت هذة الخلطة :
ديتول اخضر
ديتول الوردي (ما وايد عجبني لانه ياسمين )
كومفورت اعتقد بنفسجي

الطريقة:
احط من كل شي في غرشة فاضية بدون مقدار محدد ديتول وكمفورت وديتول والوردي وارج الغرشة عدل
(اللي في الدبة يكون المركز بدون اضافة الماي)
عند الحاجة اخذ شوي من الخلطة واحطها في علبة بخاخ واترسها ماي يفضل علبة البخاخ البخ منها يكون على شكل رذاذ (العلب الخاصة بالزراعة) او بعض علب الرش تكون اوكي يوم يخلص نعبد نفس الحركة ناخذ من الخلطة المركزة ونترس البخاخ ماي

عند الاستخدام رجي علبة البخاخ رشي على ارضيه الحمام وافركي بالمكنسة ورشي على المرحاض والمغسلة الريحة تطلع روعة كانج الحين غاسلة الحمام
وممكن ترشين شوي في الغرف مب وايد طبعا

جربوها ما بتندمون تقضي على الروائح الغير مستحبة في الحمام ..مجرد رشتين او ثلاث قبل الخروج من الحمام تخلي الريحة حلوة ومنعشة كانه الحمام من شوي مغسول