عندي استفسار للبنات الي يستخدمون الحناء لشعورهن
اختي ناويه ان شاءالله تحنى شعرها لان وايد تعبان ويتساقط وهي صابغتنه تقريبا من 10شهور
ونوعيه شعرها خفيف ودهني
ممكن تعطوني خلطات للحناء يعني شو ممكن تضيف ( روب ليمون نسكافيه خل …الخ ) ماعرف شو الي يفيد الشعر الدهني
يزاكن الله خير ^^
واذا تبين لون شعرج يفتح اشويه هاتي بابونج وفوريه ويا الماي وعقب اخلطي الماي ماله ويا الحنا
واذا تبينه احمر حطي كركديه بس لازم يتفور ويا الماي اول شي
لكن إذا بغيتي لون الحنا الاصلي اعصري فيه لومي وشاي حمر* والروب بعد زين عشان اينعمه وما يخليه خشن
ترا خلطات الصبغه مب من عندي
قاريتنهم فكتاب الدكتور عبدالباسط السيد
واتمنى اكون فدتچ فشي
ممكن تضيف زيت للحنا ولا بس يكفى روب وخل وليمون ونسكافيه ؟؟
حنا-ليمون كامله – بياض بيض -وممكن تحطين بلسم مناسب لنوعية الشعر
تخلط كلهم مع بعض عدل بعدين تنحط ع شعرج لين ماتنشف عقب تغسلها عقب بشامبو عدل وتحط حماام زيت علشان ترطيب وتغذية ممكن تجرب هذه الخلطة كل اسبوع مره موفقة حبوووبه