متردده انى اكتب الموضوع
بس قررت انكم تشاركونى الموضوع
وتعطونى مبرر للى صار ياجماعة الخير بتجنن
الموضوع باختصار بنت خالتى فى نفس سنى وهذا ثانى حمل لها المهم
كل ماكانت تروح علشان تسوى اشاعه وتطمن على البيبى الدكتوره الخاصه اللى متابعه حالتها
تقول لها النوع مش واضح المهم تم هذا الحال الى ان وصلت الشهر السادس
وبعديها قررت انا وهي اننا نروح عند دكتوره ثانيه تكشف عليها وتشوف لها نوع الجنين
وكانت فى اول الشهر السابع
الدكتوره اول ماكشفت عليها بالسونار قالت لها بنت
شوفى رجولها شوفى راسها شوفى عيونها شوفى اللى بالى بالكم :22 (13):
المهم بنت خالتى نفسها فى بنت لان عندها ولد رحنا وبشرنا زوجها
زوجها قال لها لازم تعيدى الكشف علشان تتاكدى انها بنت وفعلا عدنا الكشف عند دكتوره واثنين
وثلاثه وكل دكتوره تاكد لنا انها بنوته وتروينا اعضاها
بنت خالتى وثقت من كلامهم لانها سوت الاشاعه اكثر من 5 مرات
شرت ملابس للبنوته وحضرت لها كل شيء لونه روز
واختارت لها اسم سلمي
وجا يوم الولاده والمسكينه ماخذه معاها فستان مع الطقم كله ابيض فى روز
وجوتى روز يجنن
المهم دخلت المستشفى وسوت سونار علشان تعرف الراس نزلت ولا لا
وانا واقفه يمها بالضبط والدكتوره قالت لها راس البنت تحت والرحم مفتوح 10 سانتى يالله
ادخلى غرفة العمليات
والحمد لله ولدت بالسلامه
طلعت الممرضه ومعاها البيبى قلت لها ليش مالبستيها الفستان ليش طلعتيها
بالفلنا والسروال بدون الفستان
ضحكت الممرضه وقالت هذا ولد مش بنت علشان نلبسه فستان :1 (6):
صراحه نزل علينا الخبر كالصاعقه المدمره هههههههه
وزوجها انصدم وقال الممرضه انتو عندكم اى حالة ولاده غير زوجتى ردت الممرضه وقالت
لا انتم بس الموجودين فى المستشفى ومافى اى حالة ولاده غيركم لان المستشفى خاصه ونظام فيلا
المهم كلنا انصدمنا والمسكينه فاقت من البنج وقالت وين بنوتتى الحلوه
زوجها تبرطم وماعرف يرد عليها ولا انا ولا امها ولا اختها عرفنا نرد
المهم خذت البيبى وتمت تناديه باسم سلمي لين روحت البيت
وهى مقتنعه انها بنت :1 (7):
مصيبه شلون بنقول لها
المهم قلنا لها انها جابت ولد مش بنت المسكينه انصدمت
وتمت تصارخ وماصدقت الا يوم شافت ان ابنها ولد حقيقى مب كلام هههههههه
ممكن تعطونى مبرر للى صار وكيف الاشاعه تغلط اكثر من مره
ومن صار معاها مثل هالموقف
انا الحين فى الشهر الثامن وقالولى بنت والله شككونى فى نفسى وانا شريت كل شيء لونه روز
حتى الغرفه صبغتها وعدلتها وخليتها بنوتاتى لان عندى بنتين والثالثه اللى بالطريق
فامادرى ممكن يصير لي نفس اللى صار لبنت خالتى من كمن يوم
صار الموقف نفسه في خالتي ..
قالولها ولد وجت بنت
عادي
بس طلعت بنت
وانا منها اخذ ملا بس للجنسين ( يوني ) .. أبيض او بيج
المهم انتي لا تشترين لبس بنات او لبس اولاد اشتري لبس يناسب الاثنين يعني لا تتقيدين باللون الوردي للبنات عشان ما تنصدمين بعدين شو بسوين في اللبس لووووول اخذي الوان تناسب الاثنين شرات الاخضر والاصفر ….
الله يسهل عليج ان شاءالله…
دامنه ثاني حمل لها جيف ماعرفته روحها يعني هي تجوف البيبي واعضائه تكون واضحه بس يالله الله يرزقها ببنوته بالحمل الياي ان شاءالله
وكل هذا بسبب انى خفت اشترى اشياء عاديه واهل زوجي يقولون
علشان جابت بنت مالبستها اشياء غاليه
مع ان عندى بنتين بس كل اللبس اللى صغر عليهم اشيله ذكرى لهم
لين يكبرون علشان يحتفظون به ويصير ذكرى لهم ايام طفولتهم
زوجى يقول لى لو صار لج مثل بنت خالتج لبسى الفساتين
حق الولد على الاقل الفساتين تاخذ العين شوى هههههه
مسكين عنده امل فالله انى اجيب له ولد والله حالته تصعب على اللى يشوفه
الله يرزقنى ويرزق كل محرومه بالولد الصالح
يارب بنت خالتى كان نفسها فى البنت وجابت ولد وانا نفسى فى الولد وقالو لى بنت
سبحان الله ولا حول ولا قوة الا بالله
قولها والله فى ناس يتمنون نص طفل مب محصلين مدام الولد بخير شوتباه غير جذاحسن من بنت عليله
وهى صغيره والعمر جدامها ممكن بعيد تحمل وتيب بنت منو يدرى
وممكن الولد هذا يطلع ابر واحد فيها من اخوانه فيها
والله يهدى الجميع