,, عساكن بخير خواتيـــــــــــ ،، من فترة ياني هوس مناكير ،، وقمت خذت من عند تاجرة في المدونة فوق ال12 لون،، طبعا يوم انااا اشتريتهن اخترتهن عن طريق الصور اللي عارضتنهن التاجرهـ ،، ويوم وصلني انصدمت انه اغلب الألوان فاااااقعهـ ،، واتوهقت فيهن الصراحهـ ،، بس ما هان عليه اقطهن،، وخليتهن عندي،، نصيحه>> اللي تبي تاخذ مناكير من المدونة او النت بشكل عام،، اطلبي من التاجره اللون اللي تبينه،، يعني غامج،، فاتح،، فااقع،، وجي،، و الحين بقولكم شـ سويت عسب اقدر استخدم المناكير بدل ما اقطه ،، الأشيا اللي بتحتاجونها هي:" المناكير الفاقع،، مناكير ابيض،، و ورقه عسب تشتغلون عليها".
،، أول شي شوفوا اللون شجا باااايخ طالع على إيدي،،
،، اول شي بتحتاجونهـ هو مناكير لونهـ أبيض،، ويكون اللون قوي،، مش خفيف،،
،، حطي كميه من المناكير الأبيض على الورقهـ ،، الكمية تعتمد على درجه اللون اللي تبينه،،اناا اللون اللي عندي اصفر فاقع،، ابيه يبهت شوي،، فحطيت الأبيض اكثر من الأصفر ،،
،، ادمجي اللونين عدل باستخدام فرشاه المناكير الملون،، مش الأبيض،، ديري بالج،،
،، وهذي هي النتيجه اللي كنت أبيهاا ،، (=
،، وهذا اللون الأورانج،، طالعوا >> قبل وبعد،،
قــــبــــــــــل ،،
،، وبـــــعــــــــد،،
.. أتمنى التجربه فادتكن،، ولا أحلل نقل الموضوووووووووووع،، لانه مجهوود شخصي ومتعوب عليه،، )=
تسلم ايدج ..
سويت ري فريش كم مرة مب طالع حاولي تحميل الصور مره ثانية ..~
وأنا متوهقة بألوان وااااااااايدة ..
شكلي بطبق الدرس عليهم ^_* .