خدمات كافيه لا فيتا الشاملة

خواتي

السلام عليكم و رحمة الله و بركاته

عساكم بألف صحة و عافية

وردتني العديد من الاستفسارات حول الخدمات اللي نسويها في الكافيه و اللي العديد منكم ما يعرفها

ف حبيت اوضح لكم نوع خدمات الضيافة اللي نقوم فيها عسى ان تنال رضاكم

اولا
الحفلات
نقوم بعمل جميع خدمات التموين للحفلات سواء داخل الكافيه او في قاعاتكم الخاصة او منازلكم
و لدينا منيو متجدد دائما و باسعار في متناول الجميع

و حتى لو كان السعر فيه مشكلة ممكن نعدل في المنيو شوي عشان يناسب ميزانيتكم و لكن في حدود المعقول

تلقون اسعار البوفيه في الرابط التالي

https://forum.uaewomen.net/showthread.php?t=757325

و اليكم بعض الصور

نسوي طلبيات الاستقبال سواء للبيت او المستشفى
تخبرينا حق كم يوم تبين الطلبية و شو تبين في الطلبية سواء من مشروبات او اكل سندويشات او بايتس و متى اوقات الطلبية

عندي ناس وايد ياخذون طلبية الصبح تكون شبه ريوق و طلبية بعد الظهر تكون خفايف و ميني عشا

و يعتمد اذا حبة نوفر لج خدمة موظفة تكون معاج يكون لها سعر اضافي طبعا في حدود 100 درهم لليوم

و اذا حابة نوفر لج مكينة قهوة تسوي مشاريب مختلفة منها نسكافيه و هوت جوكليت و كابوتشينو و موكا بعد نوفرها على اساس الايجار باليوم

طبعا غبل الزباين يطلبون من قايمة البايتس بالحبة

بس مكن تخبرينا بعدد الضيوف المتوقع و الانواع اللي حابتنها و نحن نجهز لج المنيو بالطريقة اللي تحبينها

ممكن توفرين صحونج اذا حابة و ممكن نضيف لج من المنيو الخاص بالبوفيه كم نوع مقبلات ساخنة مثل السمبوسة و السبرينج رول

بس عليج تختارين و تدفعين عربون و يوم تربين بالسلامة نخدمج بعيونا

القايمة الخاصة بالبايتس
https://forum.uaewomen.net/showthread.php?t=833162

و بعض الصور

نسوي بعد طلبيات خاصة
ايونج ضيوف و حابة تضيفينهم شي مميز و حلو و خفيف نوفر لج طلبج اكيد

عدنا وايد زباين يبعثون طلبية ميني بايتس كهدية لاهلهم و صديقاتهم

و نفس الشي الانواع موجودة في القايمة المتجددة مثل ما ذكرت فوق

قايمة الوجبات
عندج حفلة يهال؟
عندج عزومة في الدوام و تبغين كل حد أكله بروحه؟

ارقى الطلبيات نسوي لج

اختاري شو تبين في البوكس و نحن نجهز لج البوكسات
بوكس موالح و بوكس حلويات

طريقة يديدة و سهلة و عملية و راقية جدا

التفاصيل في هذا الموضوع
https://forum.uaewomen.net/showthread.php?t=684744

طبعا السعر المذكور في الموضوع على اساس الانواع الموضوعة في البوكس
السعر يتغير بنوع الاكل اللي تختارينه

طلبيات الاعراس
اكثر طلبيات الاعراس على الحلويات و غالبا على ملاعق الشوكولاه
بس لو رجعتوا لقايمتنا في عدنا انواع ثانية بعد اتمنى تنال اعجابكم

و غير عن كل هاي الخدمات

خبرينا شو تبغين و نحن نفصل لج المنيو بالاستايل اللي تحبينه
ممكن نسوي لج منيو حفلات كل الاكل يكون ايراني او هندي او ستايل بحري او ستايل عربي او ستايل ايطالي

انتي قرري و نحن نسوي لج المنيو

انتظروا جديد خدماتنا و تابعونا

كل يوم عدنا شي يديد

حياكم

واااااااو يوعتني..

اصلا بدون تردد انا ناويه اييكم ان شاءالله في الويك اند عسب اطلب حق ملجت اخوي لان الصراحه اكلكم لذييييييذ و اسعاركم وايد مناسبه و تعاملكم مع الزباين جدا راقي..
ربي يوفقكم

روعة
ما شيء تخفيض لعضوات المنتدى ؟ههههههه

حياج حبيبتي في اي وقت

و الله يوفقه اخوج و حياج عدنا ان شا الله ما بنقصر وياج

حبيبتي ماشي تخفيضات
ربحنا ترى قليل لكن ما نقصر في العضوات ابد
دوم نطرش زيادة حق زبايننا