الطلب باختصار … كيف ون خلال تجربتج تعطرين ملابسج وادخنينهن !!!!
الصراحة احااااول اثبت ريحة العطر والدخون في ثيابي بس احسها عقب تخترب الريحة وتصير مب حلوة
ف من خلال خبرتج …خبريني كيف تكون ريحة ثيابج خنينه !!!!
من فتره ل فتره طلعي كل الثياب من الكبت.
هاتي ماي و حطي فيه طشونة داوني او اي ملطف للاقمشه تحبين ريحته او حطي نقط من عطرج المفضل او عطر عربي (حسب ذوقج)
و امسحي الكبت من داخل كامل و الابواب
حطي الثياب المربعه و بين كل قطعه و الثاني بخي عطر او حطي كلينكس فيه عطرج المفضل بين الثياب
و عقب علقي الثياب و العبي و الكنادير و هاتي جمر بارد عشان ما يحترق الدخون (يعني الجم يوم يكون ابيض و شبه بينطفي) و حطيهن عند باب الكبت عسب الريحه تدخل الكبت و تلصق بالثياب 5 دقايق بس
لا تخلين الدخون يحترق وايد لانه الريحه بتصير مب حلوه
دقيقتين ل 5 كافيه.
و انتي ادخنين رشي عطر للملابس او عطر فرنسي او عربي (حسب ذوقج)
و ع طول صكي الكبت
و حاولي ما تفتحين الكبت الا بعد مرور ساعتين عالاقل
جربي و خبريني شو صار معاج (^_^)
الدخون اللي يكون فيه مسك واايد .. هذا يثبت عدل ف الملابس
احيد قبل كان عدنا دخون نوعيته فيها وايد مسك .. و كنت ادخل الكبت منه ..
و من اكل شي ف الحجره او اروح ريحه مب حلوه .. سيره افج الكبت عسب تفووح الريحه خخخـ
و طريقه اموره حلوه بعد ^_^