خايفه وما ابا اروح العياده لسلامتك

السلام عليكم والرحمه

شحالكم خواتي ؟

عندي مشكله صغيره فـ المنطقه الحساسه , من فتره صارت تنزل عندي افرازات مب عاديه ,
لونها جي غريب , شي يخوف , وانا ما احب اروح العيادات النسائيه , عشان جي بنات ابيكم تنصحوني بـ اي شي اسويه الا اني اروح العيادات !

و بعد ابا اعرف عن عيادات يسون تبيض للجسم , عندي مناطق بجسمي لونها اغمج عن باجي الجسم
وانا وايد بيضا فـ ما اعرف شو اسوي ؟ ياليت تكون عيادات مضمونه والسموحه

يمكن التهابات؟ لازم تروحين العياده ومب شرط انها تفحصج بس انتي قوليلها الاعراض وهي بتعرف او روحي الصيدليه بيعطونج مرهم ……. وفي ترا انواع للاالتهابات في هالمنطقه يمكن تكون بكتيريه او فطريات والاثنين يختلفون عن بعض وبالتالي العلاج بيتختلف …….. بس شي ما يخوف اغلبيه البنات تيهم هالالتهابات ومع العلاج تروح على طول …….. بالنسبه لعيادات تبييض الجسم ما عندي فكره …. ليش ما تستخدمين الخلطات والمقشرات والدلكه السودانيه تراها تنفع حق المناطق الغامقه

سوي غسول مطهر ينفع حتى ولا تخافين مابسون لج شي يمكن تفحص نوع الالتهاب يعني تسويله تحليل وبس

واخر شي بتعطيج غسول او حبوب تنزل الوسخ كله حبيبتي ماتاكلي هم على قولتهم الامر بسيط

وماانصحج تروحين الصيدليه وتقولين له الدكتوره احسن حبيبتي لان الصيدلي يبا يبيع ويمكن يعطيج شي مب زين لج

ربنا يعافيج حبيبتي

لازم دكتوره توصف لج مضاد فطريات أو مضاد حيوي حسب الحاله
لاتاخذين اي شي الا بوصفة دكتوره
ممكن تقولين ما أحب اسير الدكتور حق زكام أو شي ثاني بس شي خطير مثل هذا لازم تسيرين

ينقل لقسم الصحه

حبوووبه لازم تروحي عند الدكتورة

استغفر الله الذى لا اله الا هو الحى القيوم واتوب اليه