بنات انا بجر وامس ما قدرت ارقد من كثر ما افكر بالولاده انا متروعه وايد مب بس من الولاده من اللي عقبها بعد يعني الرحم بكون متوسع الدم اللي بينزل بكون نفس الدورة والا اكثر بما ان الفتحه اكبر يعني كنت اتخيل تنزل مثلكتل الدم وبكون غزير واخاف لو سوت الدكتورة قص العجان ما اعرف شو اسمه انه يتلوث او شي اذا كان الدم ينزل بغزاره يعني كل نص ساعه ببدل الفوط واخاف التهي بهالشي عن ولدي
راسيي يعورني من التفكير قولولي كيف يكون الوضع بعد الولاده يعني انا سمعت ان شي حريم اسبوعين وينظفن من الدم احس راسي داير
يعني كل هالحريم استوالهم نفس الشي محد التهى عن ولده انشالله ومحد بيسويها
بالنسبة لكمية الدم طبعاً كتل وبعد ثجيلة .. وعادي تحطين أكثر من فوطة بعد
أأنا ماجربت بس حضرت ويا أهلي وشفت بلاوي ..
بالنسبة للفتحة أنا ما كنت أعرف انهم يسوون خياطة بس بالمنتدى عرفت هالشي .. محد يخبرني ..
فبتقل الفتحة يعني أكيد ..
انتي لا تحاتين من هالناحية توكلي ع الله .. أنا أحاتي الحين الولادة طبيعية وإلا قيصرية وكله بأمر الله
والله المستعان..
انا خوفي انه فالدورة العاديه اول يوم يوم تكون غزيره عندي ومرات تنزل مثل كتل دم صغيرة واتروع فما بالج بالولاده والمكان متوسع يعني بينزل دبل وهاللي مخوفنيي
كاني شراتج حامل ببجر بس ابد مب خايفة رغم ان السوالف اللي اسمعها عن الولادة ترووعني بس ابد ما احس بخوف الحمدلله
وعلى سالفة الدم اكيد بينزل كتل .. تخيلي 9 اشهر مانزلت الدورة عنج كيف ما بتنزل بشكل غزير وهالشي ما يخوف حبيبتي اهم شي بين فتره وفتره لا تتعايزين انج تسيرين الحمام الله يعزج وتبدلين الفوط ومثل ما قالت الاخت حطي اكثر عن فوطه واشتري الحجم الكبير.. والجرح يبرا بماي فاتر ويا ملح
وبعدين على سالفة التوسع انا سمعت انه اصلا ما يتوسع من الاول ولا الثاني .. يوم تيبين وايد حدوود 5 وفوق يمكن يتغير عندج
اهم شي انج تهتمين بروحج فترة النفاس ترا ها كله بيعكس عليج بعدين
وسالفة الولادة ادعي الله وان شاء الله الله ييسر لج امورج ويسهل عليج ولادتج ..
والله ييسر علينا وعليج حبيبتي ويطلع البيبي سليم معافي تام الخلق يارب ^_^
بس اللي اعرفه انه بعضهم الدوم وايد وبعضهم عادي
وان شاء الله بيسهل عليج, وأكثري من الاستغفار
…
ممم بالنسبة للفترة مابعد الولادة أكيد بتكون يومين ثلاثة الدورة غزيرة شوي
بس بعد أسبوع بتحسين يقل شوي شوي وعادتا بعد العشر أيام من الولادة توقف
الدورة وتكون متقطعة بين فترة وفترة تنزل عليج قطرات وبس
…
وبالنسبة للجراحة والخياطة أهم شيء العناية والنظافة وتحاولين قدر الامكان تكون المنطقة جافة
ولاتسمعين خرابيط الحريم بالنسبة للتحميلات والاشياء ألي تدخل داخل المهبل,, تيلسين في ماي وملح
والافضل يكون معاه شوية ديتول ولو الاخضر بعد زين, وعقب تجففين المكان بالاستشوار بهواء بارد
وعقب تحطين شوية من كريم ميبو لانه يساعد على ألتأم الجرح بسرعه.
والله يسهل عليج حبيبتي وأبعدي هالوساوس من راسج
وان شاء الله أكون طمنت بالج شوي
وتنزل شوي شوي على فترات