يداَ بيد نحو التوفير
السلاااام علييكم حبايبي ,,, اشحالكم ان شالله مرتااااحيين
بدش فالمووضووووع ماعندي ون تووو === > وحده متحمسة خخ
طبعا منو الحلوووة اللي يتم لها رياال وااحد ليين آخر الشهر خخ ؟؟
كم توفريين لين اخر الشهر .؟؟
بسم الله .. بطبيعتنا انحب نشتري ومانخلي شي فخاطرنا
لازم كل يوم ناكل من المطعم !! لازم كل شهر انفصل 3 عبي على الاقل !! شنطة يديدة اشتريناها !! شي ع الموضة خذناه
بدون مانحاسب ولا نفكر بس جي انفر بيزاتنا على اشيا نقدر انحصل البديل منها وبأقل الاسعااار
انا اشتغل والحمدلله استلم راتب محترم بس والله مايتم لي شي لين اخر الشهر مع ان مب معرسة وماوراي بيت
ففكرت وعشان احمس روحي واحمس غيري لشي اسمه ( توفيير ) حبيت اني اطرح هالموضوووع وهالحمله للتوفير
طبعااا مابنحرم نفسنا من المشترى بس اقل شي يتم لنا مبلغ معين لين اخر الشهر
يفضل لو يكون عندج حساب توفير فالبنك عشان عقب ماتحصلين البيزات اتحطينهم هناك
شوفوا افكاااري واللي حاب يضم نفسه للحمله يسجل اسمه واي فكره حابة انج اتسوينها والمبلغ اللي تبين اتوفرينه والفترة مثلا شهرين او 10 شهور او كيفج يعني بس خبرينا ؟؟
الفكره الاولى :: الحصاااالة .. انا امس سرت سووق الايرانية اللي صوب السوق الجديم وكان فخاطري هالحصالات اللي يبيعونها في سوق الجمعة وهالحصالات شي عدنا فسوق الايرانية اللي فالشارجة خخ طبعا وخذت الحصالة وهاي صورتها
طبعا مستحيل ماتعرفونها خخ انا وايد احب هالحصالات اتذكرني فالماضي
المهم : هالحصالة حق الريالات والربوع والنصوص مدتها 8 شهور يعني من شهر 7 لين شهر 2 وعقب بكسرها ..
الفكرة الثانية : الجمعياااات … اذا كنتي اداومين سوي جميعة ويا البنات اللي وياج بس اهم شي انهم يكونون ثقة مب تاخذيلج حيالله بنت وتدخلين وياها جمعية .. او امبين الاهل والربع الثقة … تجنبي الجمعيااات اللي تستوي فالنت والمنتديااات حتى لو كانت هالبنت محل ثقة ترا والله النفس أماره بالسووء وياما سمعنا عن عمليات نصب واحتيال ..
عن نفسي انا داشة 3 جمعيات وهدفي منها اني اعق اقساط السيارة وافتك
الفكرة الثالثة : هي الدفتر والقلم واللي انا اسميها ترتيب الامور المالية خخ .. عندي دفتر صغير اكتب فيه المبلغ اللي عندي واحتياجاتي والتزاماتي الشهرية واحسب المجموع وبعدين اشووف كم بيتم لي واخر شي اشووف شو الشي الضروري والشي اللي ماله لزمه يعني اقدر اشتريه وقت ثاني …
الفكرة الرابعه : حق التاجرات اللي يعانون من سالفة المندوبين واللي معضمهم لازم يدفع مبلغ للتوصيل .. ليش مايكون لج مندووب خااص ( يكون من اهلج اخوج ولا ولدج ولا حد من الشباب اللي فبيتكم او اذا بنت وعادي عندها ) جي اتوفرين واتحصليلج مبلغ محترم من ورا هالشغلة اعرف تاجرة ماشالله عليها اتبيع واخوها يوصل ماشالله عليهم يعني عايلة اتعرف ادبر امورها ومايعتمدون على شركات التوصيل اللي ماوراها الا المشاكل والحشرة ..
الفكرة الخامسة : اتخصصين مبلغ معين حتى لو كان 5 دراهم او 100 او 500 حسب امكانيتج واتحطينه فظرف وتعطينه حد من خواتج الكبار وقوليلم هالمبلغ امانه عندكم خلوه انا مابا اخليه عندي لاني بصرفه خلوه عندكم وكل شهر بزيد عليه نفس المبلغ الين الشهر الفلاني باخذه عنج …
انا حابة اسويها بمبلغ 200 فالشهر بس ادورلي حد يودلي بيزاتي خخخ
يالله بنااات اللي عندها افكااار واللي تبا تنضم للحملة اتخبرنا بس اتكون مستمرة واتخبرنا عن كل شي اتسويه والمبلغ اللي بتوفره والفكرة اللي حبتها واذا عندكم افكار زيادة لاتبخلوون علينا ..
ومب غرضنا ان احنا نبخل على اعمارنا لا بالعكس بنشتري وبندلع اعمارنا بس بحدود المعقول ومنها يتم لنا مبلغ لين اخر الشهر
خاطري أجمع بدون ما أقوله ..ويستانس يوم يشوفني مجمعه ..
مع ان اللي يشوفني يتحسبني من النوع المسرف هههههههه
بقولكم كيف اوفر
دائما اكتب شو اللي احتاجه
مثلا كاتبه
احتياجاتي من مركز صحارى :
– (……)
-(,,,,,,,,,,)
_ (,,,,,,,,,,,,,)
ولما اسير المركز اشتري هالاشيا وبس
وهكذا
مرات لما عندي عزيمه في بيتنا
واحس ان ملابسي شايفينه علي ( فيني طبع خايس ان البدله الوحده مثلا البسها جدام فلانه مره وحده بس ، وبعدين اكررها جدام ناس ثانيين )
المهم لما احس ان ملابسي شايفينه علي ما اروح اشتري بس ،، اخذ من اختي مثلا واردلها بعدين
وهكذا
والشنط ، اشتريهم غاليات بس بين فترات طوويييييييييييييييييله ،، لما احس عندي فائض من الفلوس وما في اولويات
وشي مهم بعد ،، لما ربيت في ناس عطوني هدايا فلوس ،، ما لعبت فيهم يمعتهم واشتريت لي ساعه فخمه
فأنصح اي وحده عندها مناسبه وتيها هدايا فلوس اتيمعهم
واكل المطاعم نفس الشـــي
يعني باختصار
يلسو فالبيت وبتوفرون