حلى الشوكولا البيضاء بالكريمة لذييييييييييييييييييييذ والطعم غير بالصور……….توتو طبخ الامارات

السلام عليكم ورحمة الله وبركاته
كيفكم اخواتي امبارح اجا على بالي اعمل حلو وكنت محتارة شو بدي اعمل واجتني فكرة هلاحلى وطلع مممممممممم بجد طيب وحبيت اشاركم بالطريقة
بسم الله نبدأ

مقادير الطبقة الاولى
بسكوت
ملعقتين زبدة
حليب نستلة المكثف

الطبقة الثانية
100 جرام شوكولاته بيضاء
ملعقتين كبار زبدة
3 ملاعق حليب بودرة
علبة قشطة

الطبقة الثالثة
كوب وربع كريمة الخفق
كيس دريم ويب
نصف كاسة حليب نستلة المكثف

للتزين جوز هند مبشور

الطريقة:
بنطحن البسكوت وبنسيح الزبدة وابنخلطها مع البسكوت منيح

بعدين بنحط شوي حليب نستلة ما بنكثر ووابخلطو وابنفردها بالصينية

بعدين بنعمل الطبقة الثانية
بنحط الشوكولا البيبضاء مع الزبدة بزبدية وبنحطهم بحمام ماء سان عشان يذوبو

بعد ما يذوبو بنحط علبة القشطة ما نحط الحليب لانو الشوكولا حتفرط بالاول بنحط القشطة وبنحركهم منيح

بعدين بنحط الحليب بطنجرة وبنحركو لحتى يصير لونو اشقر طبعا بدك تحركيه سريع لانو بيحترق
وبنحطو على خليط الشوكولا والقشطة دخلي الحيب شوي شوي مع التحرك بالملعقة حتى يتجانس

وابنفردو فوق طبقة البسكوت

نيجي للطبقة الثالثة
بنحط الحليب المكثف مع كريمة الخفق مع الدريم ويب وبخفقهم بخلاط الكيك لحتى تصير كريمة ما تستعجلي مثلي اصبري لما تتماسك الكريمة وحطيها طبقة ثالثة

ورشي على الوجه جوز هند مبشور ودخليها الثلاجة وخليها لما تتماسك انا بحب اعمل الحلى بالليل وبقدمو ثاني يوم بيكون ماخد كفايتو

بس الطعم طيب ومختلف ان شاءالله يكون عجبكم
وصحتين واي سؤال انا بالخدمة ان شاءالله
اختكم ام محمد

تســـــــــــــــــــــــــــــــــلم ايدج الله يعطيج العافية

شكله لذيذ

تسلمين حبوبه ع الوصفه

شكله لذييييييييييييييييييييذ..

تسلمييين ع الطريقه..

ربي يعطيج العافيه..

تسلم إيدج حبيبتي